Vaalit piettih kaikissa EU-maissa 23.–26.5.2019. Jokahisešša EU:n muašša valittih tietty miärä jäšenie Europan parlamenttih. Kaikkieh Europan parlamentissa on 751 jäšentä. Jokahisella jäšenvaltijolla voipi olla enintäh 96 jäšentä ta vähintäh 6 jäšentä. Tänä vuotena Šuomešta Europan parlamentih valittih 13 jäšentä. Još Britanija eruou, Šuomi šuapi 14. jäšenen. Šuomešša europarlamenttivaalit piettih oraškuun 26. päivänä. Šamana päivänä tulokšetki… Luve ielleh Vuuvven 2019 europarlamenttivaalien tulokšet

Karjal Žurnualu -verkkoleheššä on alettu julkaissa uutta vienankarjalaista uutisartikkelišarjua. Šarjan enšimmäini artikkeli ilmešty 9.4.2019. Še kerto parlamenttivaaliloista Šuomešša. Alukši vienankarjalaiset uutiset ta uutisartikkelit ilmeššytäh kerran netälissä tahi kerran kahešša netälissä. Artikkelit kiäntäy Irma Aleksejeva. Tulošša on oma artikkelišarja šuvikarjalanki murtehella.  Artikkelien kiäntäjänä toimiu Katerina Paalamo. Karjal Žurnualu on ainut Šuomešša ilmeštyjä, täyšin karjalankielini lehti. Leheššä… Luve ielleh Uutisie vienankarjalakši

Šulakuun 14. päivänä Šuomešša pietäh parlamenttivaalit. Iäneštämäššä voipi käyvä jokahini Šuomen kanšalaini, kumpani täyttäy 18 vuotta viimeistäh vaalipäivänä. Jokahini, kellä on iänioikeuš, on šuanun kirjasen. Šiinä kirjasešša on tietuo iäneššyšpaikoista, kumpasie löytyy kauppakeškukšista, kirjaštoista, poštiloista, koululoista tni.  Vaalipäivänä iäneššyšpaikat ollah auki kello 9–20 välisenä aikana. Iččenäh vaalipäivänä (14.4.2019) šuapi käyvä iäneštämäššä vain šillä iäneššyšpaikalla, mi… Luve ielleh Parlamenttivaalit Šuomešša