Tsunuami iski Liideh-Aazieh 15 vuottu tagaperin

Tänäpäi on mennyh 15 vuottu sit, ku tsunuami iski Suvi -da Liideh-Aazieh tappajen enäm 220 000 ristikanzua da tuojen ylen suurdu ainehellistu vahinguo.

Tsunami 2004
Sumatran suari, 2004

Tsunuami otti allun poikkevuksellizen voimakkahas muantäräitykses, kudai rodih Indonezieh kuulujan Sumatran suaren luodehpuolel. Täräitykses lähti daže 800 kilometrin čuassuvauhtii mennyh aldo, da rannikole puuttujes se murendi taloit, katkai puut da viskai venehii sadoi metrilöi syväinmmuah. Aldoloin iskijes Indonezien rannikole net oldih 25 metrii korgiet.

 
Aldolois tuli suurdu vahinguo enne kaikkie Indonezies, Thaimuas, Sri Lankas da Indies. Vahingo oli pahin Indonezies, kudamas kuoli nenga 170 000 ristikanzua. Sri Lankas kuolluzii oli 30 000.

 
Tämän ližäkse miljonoil ristikanzoil pidi pajeta omil kodialovehil. Tsunuami vaikutti ylen pahah luaduh sežo Afrikan päivännouzurannikol, kudai on enäm 4000 kilometrin piäs sen piästänyös muantäräitykses.

 
Suomelazii kuoli tsunuamin periä 179. Heis suurin vuitti oli lomal Thaimuan Khao Lakas.
Tsunuamin žertvoin mustokse pietäh tseremounieloi eri puolil Liideh-Aaziedu.

 
Lähtehet: STT / Savon Sanomat
Fotokuva: Lehtikuva / AFP / Savon Sanomat

Vastaa

Sähköpostiosoitettasi ei julkaista. Pakolliset kentät on merkitty *