Suovattan tulou voimah zakon, kudai estäy turistoi tuomas ehki yhty juablokkua EL:n ulgopuolelpäi Suomeh

Uvvel kazvintervehytty koskijal zakonanluajindal opitah estiä kazvintappajien leviemine Europan liiton alovehele.

appelsiinit
Tuliel aigua turistat ei suaha tuvva Europan liiton ulgopuolelpäi ehki yhty juablokkua libo apel’siinua kazvintervehystovestuksettah. Uuzi zakonanluajindu tulou voimah 14 talvikuudu, da sen piirih kuuluu sežo verkokauppu.

 
Kazvintervehysvuadimuksien ulgopuolele jiähäh fruktois banuanu, fiinikku, durio, ananassu da kokossuoriehu. Tamožn’uylitarkastajan Tiia Sulander-Seppäzen mugah mainituloil fruktoil ei ole kazvintervehysriskua da sendäh net ei olla zakonan piiris.

 

 

Lendokoneheh suajah turistat ottua evähäkse alovehellizii fruktoi da voileibii, ga net pidäy syvvä kuni hyö ei piästä miäränpiäh.

 

 

Liha- da maidotuottehien tuomine Europan liiton ulgopuolelpäi on olluh kielletty jo enäm 10 vuottu. Tamožn’u sanelou, ku nygöi pidäy sežo padakazvit, siemenet da juurrutettavakse pädijät kazvin ozat sego muarjat, ouvešit i kazvokset ostua Europan alovehel.

 
Lähteh: yle.fi
Fotokuva: Wikipedii

Vastaa

Sähköpostiosoitettasi ei julkaista. Pakolliset kentät on merkitty *