Rauhazua Rastavua!

joulu 1

 

Anheli sanelou paimoloile Iisusan roindah näh

 
Viflejeman linnas ymbäri oldih niityt. Päiväl lammasjoukot käveltih paimoloinke niittylöi myö. Yöl lambahat viruttih, a erähät paimoit vardoittih lambahii, ku zvierit ei otettas niidy.

 
Erähänny yönny paimoit pöllästyttih, ku heijän edeh jäviihes Taivahallizen Ižändän anheli, da heis ymbäri rubei läimähtelemäh Taivahallizen kirkkahus. Varavo valdai paimoit, no anheli sanoi heile: ”Älgiä varakkua! Tänäpäi teile Davidan linnas rodiihes Piästäi. Häi on Hristos, Ižändy. Ku työ lövvättö lapsen, kudai viruu kabaloitunnu soimes, sit tiedäkkiä: häi se on.” Sit kerras jiäviihes anhelis ymbäri suuri taivahalline saldattujoukko, kudai ylendi Jumalua nämil sanoil:
‒ Jumalale kunnivo korgevuksis,
mual rauhu rahvahile,
kudamii häi suvaiččou.

 
Jumal ei vallinnuh Iisusan Hristosan, muailman Piästäjän, roindukohtakse dvorčua, a valličči žiivatoin huonuksen. Hänen roindah näh ei sanottu enzimäzikse bohatoile, a sanottih köyhile paimoloile, kuduat tuldih kumardamahes muailman rahvahien Piästäjäle.

 
Luka 2:9–14
Biblii lapsile
Livvikse kiändänyh Zinaida Dubinina

Vastaa

Sähköpostiosoitettasi ei julkaista. Pakolliset kentät on merkitty *