Perindehellizen tavan omaluaduine starin ‒ mindäh rastavanpudroh pannah mindali?

Monien mieles Rastavu ei tunnu Rastaval kuni ei hyö suaha rastavanpudruo. Rastavanpudron histourii algau loittozes muinazuos, da sidä ainos ei ole luajittu riisus. Mindalin peittämine pudroh on yhtelläh vahnu perindeh.

 

Riisipuuro

Mindali ei ole ainos tuonnuh lykkyy
Perindehelline taba on peittiä rastavanpudroh kuorittu mindali andamah sen löydäjäle lykkyy tuliekse vuvvekse. Perindeh on vahnu, ga kuspäi se on tulluh?

 

Mindali on monien kauzien kauti piässyh pohjalan rastavanperindeheh. Taba ottau allun antiekan Gretsien aijas, konzu illaččulois voidih peittiä syömizeh pabu.

 

Peitetyn pavun löydäi oli pruazniekan kuningas libo kuningatar, kudai sai keksie omile gost’ile eriluaduzii ruadoloi, kudamis ei suannuh kieldävyö.

 

Aijan mennes taba tuli jälgimäi tovennägözesti Ruoččih, kudaman kauti mindali levii sežo Suomeh.

 

Myöhembä ruvettih käyttämäh pavun sijah mindalii. Kaikenluaduzet kižat jätettih kižuamattah da mindalin merkičys muutui ozua tuojakse hämmästyksekse.

 

Pudro ei ainos ole olluh riisus keitetty
Rastavanpudron keittämine riisus on vaste kogonazet sada vuottu vahnu taba. Aijemba rastavanpudro oli keitetty kagras libo ozras.

 

Valgei riissupudro toinah on olluh rikkahuon miäry, da sendäh sidä allukse ei olluh rahvahan pruazniekkustolal.

 

Lähteh: mtv uudizet / suomisyojajuo.fi / Hotelli- ja ravintolamuseo
Fotokuva: kotikokki.net

Vastaa

Sähköpostiosoitettasi ei julkaista. Pakolliset kentät on merkitty *