Kitailaine yhtivö vedi iäre Mesut Özilan kannatetus jalgumiäččykižas kriitillizien kommentuarieloin periä

Özil kritikuiči Twitteras lujah Kitain uiguuroin vastahpiduo.

Mezut
Mesut Özilan kommentuariet suututettih Kitain

Anglien eliittuliigas kižuajan Arsenalan keskikentykižuaju Mesut Özil on puutunuh ainos vai kovembah Kitain virguniekkoin hambahih.

 
Kitailaine NetEase -yhtivö vedi iäre Özilan kannatetun Pro Evolution Soccer (PES) jalgumiäččykižan mobil’noiversies ”Kitaidu käzittelijöin jyrkien kommentuarieloin periä.”

 
Özil kritikuičči vaste vai Twitteras lujah Kitain uiguuroin vastahpiduo da kummeksi sidä, ku islamalazet muat vaikastutah, hos ”koranoi poltetah da mečettilöi hävitetäh.”

 
Özilan kommentuarieloin jälgeh kitailazet ei nähty Arsenalan kižua jalgumiäččytyönnös pyhänpiän.

 
Tossargen Yhtysvalloin ulgoministru Mike Pompeo andoi tugie Özilale sanojen, ku Kitai voibi tsenzuuroija hos kai Arsenalan kižat, ga tozi uiguuroin sorros ei sit muutu.

 
Arsenal on ottanuh loittozuttu Özilan kommentuarieloih tovestajen, ku pidäy erize sportan da poliitiekan. Kitai sen sijah on kuvannuh Özilan viestilöi tuules temmattuloikse.

 
Özil on roinduperiä myöte turtsielaine Germuanien kanzalaine da pitkyaigaine muan joukkovehkižuaju. Häi on evustannuh Arsenalua vuvves 2013.
Lähtehet: STT‒AFP‒HS
Fotokuva: John Sibley / Reuters / HS

Vastaa

Sähköpostiosoitettasi ei julkaista. Pakolliset kentät on merkitty *