Väitös: Opastajat otetah ozua kiuzuandah

Školakiuzuandah voijah opastujien lizäksi ottua ozua i opastajat da školan muut aiguhizet. Kiuzuandua ei aivin tunnusseta kiuzuannaksi, ei mahtune kiuzattava opastajien miäritelmäh normualista opastujasta.

Ina Juva väitteli aihiesta männyöllä nedälillä Helsingin yliopisson kazvatustiijollizessa tiedokunnassa. Juva on tutkin kiuzuandua da syrjindiä kahessa suuressa yläškolassa piälinnan alovehella.

”Kiuzuanda ei ole vain yksilölöin väline ongelma. Se on školan da yhtehiskunnan rakendehissa”, Juva sanou.

Omassa tutkimuksessa Juva tahto sellittiä, mimmoista nuorda pietäh školassa normualina da mimmone nuori ei mahu täh miäritelmäh.

”Opastajat ei tarkotuksella muga ruata, a ei-normualina pietty ei školassa sua yhenmoista hoivua da huolenpiduo kuin toizet.”

Kyzymys ei ole nimistä luonnonzakonasta, a monimutkazeh luaduh muodoudunuzista hierarhieloista.

”Normualih liittyy ajatuksie ezimerkiksi valgiesta hibiestä da keskiluokkazuosta. Opastajien pagizutteluloissa painotettih kandasuomelazutta. Niissä kuulu mielikuva yhtenäzestä alguperästä.”

Nenga jätettih ulgopuolella suuri joukko školaniekkoi ezimerkiksi muamonkielen perustehella.

Juva nägi, jotta opastajat ruatah äijän opastujien hyvinvoinnan puolesta. Hyö iče ei vain huomattu, jotta pietäh opastujie eriarvozina.

Školakiusuanda

Kiännös: Katerina Paalamo
Kuva: Pixabay
Lähteh: https://www.hs.fi/kaupunki/art-2000006299417.html

Vastaa

Sähköpostiosoitettasi ei julkaista. Pakolliset kentät on merkitty *