Kuvaštajien kävelytekstiilien kyšyntä kašvau – Liikennehturva: kuvaššinta ne ei korvata

Liikennehturvan mukah kuvaštajan tekstiilin lisäkši pimieššä olis hyvä varuštautuo toisenmoisellaki kuvaštimella.

Erilaisien kuvaštajien kävelytekstiilien kyšyntä kašvau ielläh. Esimerkikši Novita Oy:llä, kumpani valmistau tikutušlankoja, kuvaštajien lankojen myöntä on kašvan viime vuosina šuurešti. Seija Wessmanki kertou, jotta šemmosien kuvaštajien tekstiilien kuin šormikkahien ta reppujen kyšyntä tänä šykyšynä on ollun šelväšti iellisie vuosie šuurempi.  Seija Wessman on forssalaini kuvaštajien tuottehien iellähmyöjä.

Liikenneturvan mukah noin joka kymmeneš jättäy käyttämättä valonkuvaššinta šentäh, jotta niitä on vaikie kiinnittyä tahi käyttyä. Wessman näköy kuvaštajien tekstiilien šuosijon yhekši šyykši juuri šen, jotta niitä on helppo käyttyä.

Kuvaštaja tekstiili ei välttämättä kuvašša tarpeheksi

Vaikka kuvaštajat tekstiilit nävytähki pimieššä varšin hyvin, ielläh vain harva niistä täyttäy EU:n kuvaššušvuatimukšet. Esimerkikši kuvaštajih lankakerih on lisätty merkinnät, jotta lankašta valmissetut tuottehet ei yksinäh kuvašša tarpehekši.

Liikennehturva muissuttau, jotta još luajit omin käsin kuvaštajie vuattehie ta aksessuarija kuvaštajista materialiloista, kankahista, lankoista tahi muista, kannattau muistua, jottei niissä kuvaštavuš välttämättä ole asienmukaisen kuvaštimen luokkua.

Kuvaššinta hankkies’s’a kannattau tarkistua, jotta še täyttäy EN 13356 -standartin vuatimukšet ta on CE-hyväkšytty.

Kuvaššin

Lähteh: https://yle.fi/uutiset/3-11004677
Kiännöš: Irma Aleksejeva
Kuva: Pixabay

Vastaa

Sähköpostiosoitettasi ei julkaista. Pakolliset kentät on merkitty *