Udmurtielaine 79-vuodine sociolougu Albert Razin tapoi ičen poltamal – pidi hommua oman muamankielen puoles

Razin sanoi julgi, ku voi kuolta tänäpäi, kuoltaneh kieli da kul’tuuru huomei.

Albert Razin
Udmurtien yliopiston humanistizen instituutan johtai da arvostettu sotsiolougu Albert Razin polti ičen egläi huondeksel Udmurtien piälinnas Iževskas, sanellah alovehellizet verkolehtet.
Silminnägijöin mugah Albert Razin sytytti ičen keskel yhten miehen manifestatsiedu, kudai hänel oli Iževskan hallindodvorčan ies.
Hänen vieres oli kaksi plakuattua. Toizes lugi: ”Ongo minul izänmuadu?” da toizeh oli kirjutettu: ” Kuoltaneh minun kieli da kul’tuuru huomei, minä voin kuolta jo tänäpäi.”
Sežo Suomes kuuluzu Razin oli yksi udmurtielazis intelligentois, kudamat ollah pietty hommua udmurtien kielen opastuksen puoles. Rahvahallizien kielien pakolline opastus on loppiettu Ven’al eräs vuozi tagaperin.
Suomelas-ugrilazen kielentutkimuksen professoru Janne Saarikivi mustoittau omas Facebook-päivitykses, ku ”nengostu ei ole aijemba tapahtunnuh suomelas-ugrilazes muailmas.”
Udmurtien tazavaldu on Ven’al, nenga tuhat kilometrii Moskovas päivännouzuhpäi. Sen eläjis nenga kolmandes on udmurtoi, kudamien kieli kuuluu suomelas-ugrilazeh kielipereheh.
Lähtehet: Pekka Hakala, HS da Jyrki Saarikoski , yle.fi
Fotokuva: yle.fi Uudizeh näh on luajittu fotokuvakuabavus udm-info sivustolpäi.

Vastaa

Sähköpostiosoitettasi ei julkaista. Pakolliset kentät on merkitty *