Huvie vai aivopešuo? Meemit vaikutetah ajatukšihis, etkä välttämättä ieš huomua šitä

Miemit vaikutetah tehokkahašti, šentäh kuin huumorih piilotettuo viestie ei malteta aina ymmärtyä haitallisekši.

Instagramih tulou parahan kaveris jakama meemi, kušša kotimuan poliitikkoja on kuvamanipuloitu näyttämäh nakrettavilta.

”Tuommosie tuijassuja hyö ollah!” Tykkyät ta juat.

Koneäly tuntou, jotta olet kiinnoštun tämmöseštä šiämyštäštä ta jatkošša šamanmoisie meemijä ilmeštyy mopikkaš ruuvvulla kiihtyjäh tahtih.

A još poliittisih mielipiteihi yritetähki vaikuttua ovelašti huumorin keinoloilla?

Töistä kotih

Vaikutukšešta tiijetäh vielä vähän

Meemit voijah olla arkielämyä virkistäjyä vijatointa huvie, ka myöš voijah olla portti haitalliseh laitatuumaintah ta mielipiteijen polarisoitumiseh, aprikoijah Ylen pakauttelomat asientuntijat.

Tyypillisimpie poliittisie miemijä ollah šemmoset kuvamanipulatijot, kumpasissa pietäh nakrettavana poliitikkoja ta vähemmistöjä. Niitä luajitah yksittäiset šuomelaiset someniekat, ka esimerkikši 4chan- ta Reddit-verkkoyhteisöššä niijen miärä täyttäy jo tevollista miäryä.

Poliittisien meemien vaikutušta on tutkittu melko vähän, ka viittehie vaikutukšešta on olomašša.

Meemi ohittau šuojaušjärještelmät

Meemit ta huumori ollah kaikkein tehokkahimmat vaikutukšen muuvvot somešša, šanou Jyväškylän yliopiston kauppakorkiekoulun viestinnän johtamisen professori Vilma Luoma-aho.

Meemilöillä vaikutuš on tehokašta, šentäh kuin še ei aktiviiruiče miän aivoja varottamah, jotta meihi yritetäh vaikuttua. Huumorilla kierretäh mielen šuojaušmehanismit, Luoma-aho šanou.

Luoma-ahon mukah teini-ikäset ollah heikompie haitallisilla miemilöillä kuin aikuhiset, šentäh kuin heiltä rikeneh puuttuu resistenssi ših, mitä ottua vaštah ta mitä ei.

Oletko šie tolkušša?

Lähteh: https://yle.fi/uutiset/3-10941826
Kiännöš ta kuvat: Irma Aleksejeva

Vastaa

Sähköpostiosoitettasi ei julkaista. Pakolliset kentät on merkitty *