Europan ristikanzanoigevussuudo on ruvennuh tutkimah Ven’an ruadoloi Krimal

Ukrainu viärittäy Ven’ua tovellizis ristikanzanoigevusrikkomuksis.

 

vihreät miehet
Ven’a käytti Kriman okupatsies tunnustuksettominnu liikkunuzii spetsial’noijoukkoloi, kudamii Ukrainas ruvettih sanomah ”vihandoikse miehikse”. Maxim Shipenkov / EPA / Yle

 
Europan ristikanzanoigevussuudo on ruvennuh käzittelemäh Ukrainan työttylöi žualoboi Ven’an ristikanzanoigevusrikkomizis Krimal. Europan ristikanzoinoigevussuvvon suurel ozastol (Grand Chamber) pidi algua kuulemizet dielos jo tuhukuus, ga käzittelyy eistettih edehpäi ihan odvavai.

 
Ukrainan žualobat ei liitytä iče niemimuan kuobavoh vaiku sie okupacien jälles todevutettuu ruaduo.
Ukrainan mugah Ven’a on tappanuh da pannuh tyrmäh ukrainalazii saldattoi da policiloil sego estänyh lehtistön ruaduo da alendannuh Kriman islamalazii tatuaroi. Ližäkse Ukrainan rahvahien omazuttu on otettu zakonattomah da ukrainalazii on pakoitettu ottamah Ven’an rahvahallizus. Kieldävymizen tulos on olluh monien perusoigevuksien menetys.

 
Francien Strasbourgas olii Europan ristikanzoinoigevussuudo ruadau Europan nevvoston yhtevykses da valvou Europan ristikanzanoigevussobimuksen novvattamistu.

 
Ven’a tuli tuaste ruadamah Europan nevvostoh

 
Ven’a liitti iččeh Ukrainale kuulujan Kriman alovehen keviäl 2014. Ven’an iänioigevus Europan nevvoston ylehizes kerähmös peruutettih valloituksen jälgeh.
Ven’a ei jällembäčigi työndänyh omii deputuattoi ylehizeh kerähmöh da keskusti sežo jäzenmaksoloin maksamizen. Tänä kezän Ven’an deputuatat yhtelläh tuldih tuaste ruadamah ylehizes kerähmös.

 
Valloituksen jälgeh Ukrainu puaksuh on kirjutannuh žualoban  Europan ristikanzoinoigevussuvvole Ven’an ruadolois, kudamat suvvos sivottih yhtekse žualobakse käzittelyn kebjendämizekse.
Yhtenjyttymäh tabah on sivottu net žualobat, kudamat Ukrainu on luadinuh Ven’an ruadolois Päivännouzu-Ukrainas.

 
Ven’a on suannuh mondu suuduo

 
Europan ristikanzanoigevussuudo on puaksuh suudinuh Ven’ua sit, kui se pidäy omua rahvastu.
Mennyt elokuus suudo tovesti, ku Ven’a pidi pahoi tutkinduvangičukses vuvvennu 2009 kuolluttu juristua Sergei Magniskoidu da ezimerkiksi kieldi hänel liečetiijollizen hoijon.

 
Sulakuus EIT tovesti, ku Ven’a oli rikkonuh oppozitsiipoliitikan Aleksei Navalnien ristikanzanoigevuksii käskemäl händy läs vuvvekse kodiarestah vuvvennu 2014.

 
Suvvon mugah rajoitukset ollah verduamattomat viärityksih nähte da planiiruittu rajoittamah Navalnien julgistu ruaduo.

 
Europan ristikanzanoigevussuudo pani Ven’ale suvvon Navalnien zakonattomis arestiiruimizis sežo mennyt vuvven kylmykuus.
Lähtehet: STT-Yle
Fotokuva: Maxim Shipenkov / EPA / Yle

Vastaa

Sähköpostiosoitettasi ei julkaista. Pakolliset kentät on merkitty *