Vienankarjalaisien sumčankantajien omenašta kašvo šuomelaislajin emäpuu

Kanšallisešša geenivarakokoelmašša šäilytetäh paikallisien omenalajien dna-tiijot ta istorija. Ähtäriläispuun šiemen šuatih laukunkantajilta läheš 120 vuotta takaperin.

Ähtärin Rämälänkyläššä šijoutujan Kortteisen šukutalon pihapiirin keškipisteh on noin 120-vuotini omenapuu.

Tilan vanhaisäntä Timo Kortteinen tietäy kertuo, jotta omenapuun on issuttan hänen ämmöh Hilma Kortteinen, kumpani tuli taloh emännäkši 1800-1900-lukujen vaihtehešša.

Ämmö oli šuanun tahi oštan omenoja kylällä kiertäjiltä vienankarjalaisilta kauppiehilta ta niijen šiemenistä kašvattan omenapuun ičelläh.

Šiitä lähtien omenapuu on kašvan paikallah ta tarinnun perehellä omenat varen’n’ah ta niin vain šyötäväkši.

– Kunhan šäilyttyä kunnolla ta laittua paperit välih, omenoja on riittän pakkaiskuuh šuaten, Timo Kortteinen muistelou.

Kortteisen pihan omenapuu, kumpasella hyö annettih 1980-luvulla nimen Mummon puu, on yksi šuomelaisista paikallisomenalajiloista.

Lähteh: https://yle.fi/uutiset/3-10933586
Kiännöš: Irma Aleksejeva
Kuva:Pixabay

Kuva: Pixabay

 

Vastaa

Sähköpostiosoitettasi ei julkaista. Pakolliset kentät on merkitty *