Seiččie elokuun tankarunuo

elokuu

Tänäpäi (muga
kui egläi) kačon sinuu
silmih, da sinä
kačot järilleh – da en
tiijä, midä duumaičet…

****

Sinä istut täs
ihan lähäl, samazel
laučal minunke.
Muheloitan sinule;
maltatgo sanuo, mindäh?

****

Tuaste kai dengat
mendih tyhjih dieloloih.
Ei olluh ehki
nedälinloppu. Voitgo
vie kerran prostie minuu?

****

Sanon sinule:
gu tahtonet muga, voin
lähtie iäre da
et näi minuu nikonzu.
Ga sinuu en unohtas.

****

Elokuun räkki
ilmu. Minus on čiäry.
Mieli on abei.
Tulizit vie järilleh –
hos lyhyökse aigua.

****

Mindäh minus roih
ainos sinuu kaččojes
ihan toine mies –
rouno ku vakkinaine
hengilö kezäteatras?

****

Tämän nedälin
päivypastozin päivy:
hänenke kahtei.
Ga jogahine ildu
iellembästy vilumbi.

****

Lauri Luukkonen

Vastaa

Sähköpostiosoitettasi ei julkaista. Pakolliset kentät on merkitty *