Sähköllisty viizua tahtotah sežo Ven’an Karjalah: ”Mahtolline ga ebätovennägöine”

E-viisumi

 

Piiterih da Leningradan alovehele i hos Viiburih voit tovennägözesti piästä ilmazen e-viizanke ligakuus algajen. Kyzymys on kerduviizas ezimerkikse biznessu- libo turistumatkah näh. Se on voimas yhten kuun, da sil voit oleskella muas enimyölleh kaheksa päiviä. Sähköllizen viizan suat ližäkse terväzeh, vaiku nelläs päiväs.

 

Sähkölline viizu on pättävy ristikanzoile, kudamat ajetah Ven’ale piävyndähizeh. Hätkembän voimas olii viizu sen sijah on parembi vaihtoehto puaksuh Ven’ale kävijöih näh.

 

Nengostu e-viizua tahtotah nygöi sežo Luadogan pohjazele puolele Karjalan tazavaldah, kudamas jo vuotetah piävyndähizii turistoi Suomespäi.

 

Eräs turistoin kannetettulois kohtis on Sordavala da sinne vedijän dorogan varrel olii Ruskealan mruamorukaivos. Kaivoksen omistai Aleksandr Artemjev toivou, ku e-viizu terväh koskis kaikkii alovehii da kaikkii ristikanzoi, kudamat ollah ajamas Ven’ale.

 

‒Karjal on valmis ottamah ližiä turistua. Terveh tulemua kaikin Karjalah, Artemjev muhizou.

 

Tahto sähköllizen viizan leviemizes sežo Karjalan tazavaldah eläy, hos dielos vie ei ole varmua tieduo. Erähät suomelazet lehtet sanellah, ku sähköllisty viizua ruvettas käyttämäh kogo Ven’al pakkaskuus 2021.

 

Ulgoministerstvan konzulipiälikkö Pasi Tuominen tunnustau, ku kuulou täs dielos enzimäzen kerran.

‒Onhäi se mahtolline dielo, ga minun mieles vähäzel ebätovennägöine, sanou häi.

 

Sähköllizen viizan leviemine vahingoittais matkutoimistoloi, kudamat tässäh ollah suadu tuluo viizupalvelulois.

Porilazen Keskimatkat -yhtivön ruadojohtai Petteri Keskinen yhtelläh uskou, ku tulou toimeh sežo jatkos.

‒ Myö hommuammo autobussumatkat da hotellit.

 

Lähteh: Pekka Niiranen, yle.fi

Fotokuva: Heikki Haapalainen / Yle

Vastaa

Sähköpostiosoitettasi ei julkaista. Pakolliset kentät on merkitty *