Pohjazien mualoin johtajat ečitäh sellitysty al-Holan luagerin perehien tilandeheh

Pohjoismaitten johtajien kokous

 

Pohjazien mualoin piäministrat kerävyttih egläi Reykjavikas.

 
Pohjazien mualoin piäministrat kerävyttih tossarren kezäkerähmöh, kudai piettih nygöi Islandies.

 
Paistavannu oli äijy aijankohtastu dieluo, kudamis varmah vaigevin oli pohjazien mualoin perehien tilandeh al-Holan luageril Siiries.

 
Piäministru Antti Rinne saneli Ylele, ku kerähmös eziteltih Ruočin alguhpano hibridusuvvos.
Hibridusuudo olis rounoku rahvahienväline suudo, kudai ruadas Siirien da Irakan alovehel. Sinne keskitettäs ruandah yhtynyzien ristikanzoin tutkimine da kai tiijot tapahtuksis.

 
Sellitysty on ečitty Pohjazis mualois jo kuuloin aigah. Mualoin liiniet ollah oldu samat, ga dielo ei ole eistynyh edehpäi.

 
‒Kyzymys yhtelläh on ylen vaigei piättiä. Luageril ei ole valdivollistu stuatussua, on vaigei tiediä, kenenke dielolois voi sobie, Rinne smietti. Kyzymys yhtelläh oli käzittelys.

 
Piäministrat käziteltih sežo turvallizuttu paisten Ven’as, Kitais, arktillizes alovehes da Europan liiton tilandehes.
Suomi on ližäkse ottanuh paginakse Europan liiton yhtehizen muahmuuttopoliitiekan da yhtehizen ilmastotavoittehen luadimizen.

 
Vuvven allus Pohjazien mualoin ministrat allekirjutettih Helsingis julgisanoman, kudamal muat tahtotah vähendiä kazvihuonusguazuloi teriämbäh migu muu muailmu. Reykjavikas ližättih energiedy täh tahtoh luadimal yhtehine julgisanomu.

 
Lähteh: Kirsi Heikel, yle.fi
Fotokuva: Pertti Nisonen / Helsingin linnu

Vastaa

Sähköpostiosoitettasi ei julkaista. Pakolliset kentät on merkitty *