Europan ristikanzanoigevussuudo suudi Ven’an Sergei Magnitskoin surmas

Ven’alazen advokatan tapahtuksen periä Yhtysvallois luajittih Magnitsiki-zakon tämän vuozikymmenen allus.

Sergei Magnitski
Sergei Magnitski talvikuus 2006

Europan ristikanzanoiguvussuudo on suudinuh ven’alazen advokatan Sergei Magnitskoin tapahtukses.

 
Suudo suudi Ven’an monis Magnitskoin ristikanzanoigevuksien rikkomizis da käski Ven’an valdivole maksamah 34 000 euruo korvavustu Magnitskoin leskele da muamale.

 
Yksi seiččemes sud’d’as oli ven’alaine.

 
Frantsien Strasbourgas ruadai ristikanzanoigevussuudo tovendi, ku vardoiččijat piettih pahoi Magnitskoidu da häi ei piässyh liägärilluo, hos häi puaksuh sidä vuadi. Magnitskoil pidi suvvon mugah liijan hätken olla ylen tävves tyrmäs vuottamas dielonkačondua.

 
Tämän ližäkse suudo kuvaili Magnitskoin surman jälgeh piettyy dielonkačondua ebäoigevuonmugazekse.

 
Ven’a viäritti Magnitskoidu veronviäristämizen avvuttamizes sen jälgeh, ku Magnitskoi oli pal’l’astannuh 230 miljonan dollaran veromuanituksen, kudamas oli keral ven’alazii virguniekkoi.

 
Magnitskoi kuoli tutkinduvangičendas vuvvennu 2009, konzu häi oli vuottanuh dielonkačondua 11 kuudu.
Vuozinnu 2012‒13 Yhtysvallois luajittih Magnitskoi-zakon. Sen perustehel virguniekat voijah estiä Magnitskoin surmah yhtistettylöi ristikanzoi piäzemäs Yhtysvaldoih da Yhtysvalloin bankusistieman käyttämine.

 
Lähteh: Juho Takkunen, yle.fi
Fotokuva: Hermitage Capital Management / AFP / Yle

Vastaa

Sähköpostiosoitettasi ei julkaista. Pakolliset kentät on merkitty *