Karjalan Liitole merkiččii iänivaldu Karjala-lehtes

Karjala-lehtie ilmah piästäjän Karjala Lehti Oy:n talovehellistu stuatussua lujendetah da lehten painomiärän kazvattamizekse yhtivö kontsentiiruiččou yhtehisty ruaduo Karjalan Liitto ry:n ker. Karjalan Liitto suau suuriman iänivallan yhtivös. Dielos saneltih karjalazien kezäpruazniekan piäpivos Hämienlinnas.

 

Karjalan Liitto logo
Lehten suurimat omistajat Karjalan Liitto, Karjalan Fondu, Tevollizuon- da biznesmiehien Seuru Pamaus ry, Karjalazen Kul’tuuran Kannattamizen Fondu, Karjalan kul’tuurudengufondu da Viiburi-Fondu, ollah sidovuttu todevuttamah muutoksen Karjalan ilmah piäzemizen turvuamizekse da lehten ruandan kehittämizekse.

 

 

Karjala lehti
‒ Vuvvennu 1904 perustettu Karjala-lehti on ristikanzoile ylen tuttavu, da se on hyvin redaktiiruittu. Hommailemizen periä lehten markinoimine on mahtolline Karjalan Liiton jäzenile, sen rahvahanpidolois kävijöile ristikanzoile da liiton alovehorganizatsieloin kauti, sanelou Karjala-Lehti Oy:n halličuksen paginanvedäi Pekka Pinomaa. Yhtivön halličus rubieu kerras luadimah uuttu strategiedu lehteh näh.

 
Karjalan Liiton vedovastus Karjala-lehtes turvatah, konzu sen vuitti roih 65 % yhtivön kogo iänivallas. Arvivon mugah Liitto tariččou parahat mahtot yhtehizen vaikutuksen eduloih lehten painomiärän kazvattamizes, markinoičendan luadimizes tevokkahembakse da sen stuatusan lujendamizes kogo karjalazes alas.

 
Lehten ilmah piäzemine turvatah yhtehizes ruavos Karjalan Liitonke da lehten stuatussu karjalazennu uudis- da kul’tuurulehtenny, Karjal-paginan piäforumannu dai karjalazuon iänitorvennu voijah piättäjien mugah lujendua. Toimenpidoloile miäritelläh terväzeh aigulistu da laskietah hankehen yhtehizen vaikutuksen evut. Piämiäry on turvata Karjala-lehten iččenäine stuatussu da tunnettuvus karjalazes viestimizes.

 
Hämienlinnan kezäpruazniekas uudizen sanelluh Karjalan Liiton paginanvedäi Pertti Hakanen aksentiiruičči yhtehizen ruavon liženemisty. Selgiet ruandat yhtehizes ruavos selletäh myöhembäh nevvotteluloin da sellityksien jälgeh.
‒ Yhtivöjällestyksen muutoksen periä meijän iänivaldu Karjala-lehtes kazvau. Myö olemmo lehten ižändy, Hakanen ilmoitti pruazniekkurahvahale da kehoitti karjalazii ottamah lehten omakse, yhtehizien eduloin puolistajakse.
‒ Työ oletto tiluajat da keral kehittämäs lehtie, Hakanen rohkai.

 
Ilmah piästäjän libo Karjala Lehti Oy:n halličuksen paginanvedäi Pekka Pinomaa perustelou hommailemizet välttämättömikse sendäh, ku lehten tiluajien miäry on vähennyh luonnollizien syylöin täh da Karjalan Liiton valdukunnalline piiriorganizatsii dai suuri miäry jäzendy ollah parahat potensiallizet tiluajat.
‒ Karjala-lehti on olluh, da ainos viegi on tärgevin karjalaine uudis- da kul’tuurulehti. Karjalan Liitto suau nenga joga nedäliä tevokkahan mahton tiijoittua omile jäzenile omas ruandas da pidolois, paginanvedäi Pinomaa aksentiiruiččou.

 
Kuibo karjalaine viestindy on muuttunuh vuvvennu 2020?

 
‒ Minä olen juristu, en ennustai, ga toiveh on, ku lehten painomiärän ližävön mugah sit roih ainos vie tärgiembi karjalaine forumu paginoih näh. Silloi puaksuh saneltih omat mielet lehtes, da se väritti lehten syväidyö. Moine pidäs suaja järilleh, toivou Pekka Pinomaa.

 
Lähteh: Markus Rissanen, Sanomalehti Karjala
Fotokuvat:  Karjalan Liiton verkosivut da Sanomalehti Karjala

Vastaa

Sähköpostiosoitettasi ei julkaista. Pakolliset kentät on merkitty *