Mustokivi kuolemah karkoitettuh juudalazeh näh

Hotelli Tornin edeh on valettukivi, kudai mustoittau Elias Kopelowskin ozas.

 
Suomes on nygöi kaikkiedah nelli mustokivie, kudamien germuanienkieline nimi on Stolperstein libo öntästyskivi. Mennyt kezän valettih Helsingin Munkkiniemeh kolme öntästyskivie sie elänyzien Georg da Janka Kollmanan sego heijän puolitostuvuodizen lapsen Franz Olof Kollmanan mustole. Kezäl 2020 valetah Suomeh vie nelli kivie.

muistokivet
Öntästyskivet ollah germuanielazen taidoilijan Gunter Demnigan alguhpanos roinnuh taidoprojektu rahvahantapandas kuolluzien juudalazien mustokse. Taidoilii Demnig tulou enimyölleh iče valamah joga muan öntästyskivet, muga sežo hotelli Tornin ezustalegi.

 
Demnig sanou, ku hänele on tärgei löydiä žertvoin jälgimäzet eländypaikat. Häi on nygöi valanuh muailman eri čurile 73 000 kivie, libo toinah enämbi. Hänel on vaigei mustua tarkah.

 
Latvielaine Elias Kopelowski, bohattu puutavarkupsu, oli elänyh hotelli Tornis elokuus algajen. Valdivolline policii ečči hänen 29.ligakuudu 1942, da luovutti myöhembäh Gestapole.

 
6.11.1942 Kopelowski oli höyrylaivan S/S Hohenhörnan kyydis seiččemen muun Suomes karkoitetun juudalazen ker. Laiva lähti Helsingis Tallinnah da siepäi juudalazet viettih Berlinän kauti Auschwitzan keskitysluagerih.
Lähteh: Minja Rantavaara, HS Metro
Fotokuva: Olli Seppälä, verkolehti Kotimaa24

Yksi kommentu “Mustokivi kuolemah karkoitettuh juudalazeh näh

  1. Tädä Suomen ”lähihistourien pikkarastu vuittii” niken ei sua lugie suomelazis školakniigois, konzu Toizen Muailmanvoinan dieloloih da tapahtumih opastutah…

Vastaa

Sähköpostiosoitettasi ei julkaista. Pakolliset kentät on merkitty *