Kezäkuun runoloi

voikukan siemenet

Vahnan ystävän
taloi endizel kohtal.
Ga pihas nägyy
vakkinazen da ylen
bohatan miehen mašin.

****

ilta

Nenga kezäkuun lämmän suovatan ehtänny
tuaste duumaičen kaikenmostu

duumaičen, ku huomei pidäy lähtie ruadoh
duumaičen, ku bumažniekas on vie tarbehekse dengua
syömizen da tabakan ostamiseh
duumaičen, mittumat čomat da n’erokkahat linnut
västäräkit ollah
duumaičen, ku ruoho nygöi terväh kazvau jogahizen
taloin pihal
duumaičen, ku Iiivananpäivy on kahten nedälin peräs

duumaičen händy
kudai puaksuh, läs joga päiviä
on lähäl minuu
da kudai yhtelläh
kaiken aigua on muga loitton – rouno ku tuhanden
hengizen kilometran piäs

****

perhoset2

Viilezy tuuli
jälgimäi tiä meijängi
čupul. Istun koin
pordahil da tiijän, ku
huomei suan nähtä händy.

****

Lauri Luukkonen

Vastaa

Sähköpostiosoitettasi ei julkaista. Pakolliset kentät on merkitty *