Ulgomualazet lehtet tarkastukseh Ven’al

Sananvällys: Rahvahienvälizet luadujulgavot toinah hävitäh päivännouzupuolizen susiedan lehtikioskois.

sanomalehtipino kahleissa
Ven’a planiiruiččou zakonanmuutandua, kudai estäs ulgomualazien printilehtien juandan Ven’al ilmai muan tsenzuuruvirguniekan Roskomnadzoran erillisty uskaldustu.

 
Tavallizien kanzalaziengi tuotuloi ulgomualazii julgavoloi ruvettas pidämäh silmäl muga, ku ezimerkikse Suomes ostettulois luvattomis lehtis vois puuttuo maksamah štruafuu Ven’an puolel.
Tavallizen kanzalazen štruafu olis 1500 rubl’ua libo 21 euruo, lehtikiosku suas ihan 30 000 rub’lan libo 415 euron štruafun luvattomien ulgomualazien lehtien täh.

 
Comittee to Protect Journalists da Europan turvallizus- da yhteisruadojärjestö Ety ollah paheksittu uuttu zakonua da toivottu, ku se vie voidas peruuttua.

 
Zakonan eistymizes edehpäi ei yhtellä ole ebäilysty, sentäh ku tänä vuon on jo hyväksytty toiziigi sananvällytty heikondajii zakonoi, ezimerkikse moizii, kudamat kielletäh halličuksen abevuttamizen da ”kielahusuudizet”

 
Tämän zakonan perustehel on jo annettu suudo prezidentan abevuttamizes, da Roskomnadzor salbai jaroslavl’azen 76.ru:n Putin -graffiittilois sanelijan uudizen i graffiittoin julguamizen periä, sego Jarkub -sivuston saman uudizen täh. Redaktsien otettuu väliaigazeh iäres kai vihjavot Putinas, sivut ruvettih tuaste ruadamah. Roskomnadzor on sežo varoitannuh jekaterinburgilastu Znak – sivustuo sen jälgeh, ku se oli sanelluh uudizen Putinan abevuttamizes suuditun Juri Kartyzhevan kerätys simpaties verkos. Nengozii piettelemättömii protsessoi varatah virguniekat.

 
Zakon ulgomualazien lehtien juandah näh toinah liittyy Putinan hallindon poliittizeh suojuamizeh. Moscow Timesan mugah Roskomnadzoral oli valmis pluanu ulgomualazien lehtien haldivoičendah jo kylmykuus 2017. Pluanan mugah ulgomualazet lehtet puututtas 16 suutkat kestäjäh sellitystilah, kudaman aigua Roskomnadzor piättäs suajahgo lehtet vie piästä ilmah Ven’al.
Lähteh: Janne Yläjoki, Keskisuomalainen
Fotokuva: Pixabay

Vastaa

Sähköpostiosoitettasi ei julkaista. Pakolliset kentät on merkitty *