Saamelazil nuoril manifestatsii Helsingin Soslouviitaloil: ”Meil on oigevus suaja parembua”

Halličusnevvottelijoile suunnatun manifestatsien järjestettih saamelazet nuoret da ymbäristöjärjestö Greenpeace

Mielenosoitus saamelaisest nuoret
Helsingis on olluh manifestatsii Jiämeren raudutien srojimistu vastah. Manifestatsien järjestettih Suomen saamelazet nuoret da ymbäristöjärjestö Greenpeace. Arvivol nenga kaksikymmen mielenozuttajua kerävyi kolmanpiän Helsingin Soslouviitaloile, kudamas parahite on halličusnevvottelut.

 
Saamelazien nuorien paginanvedäi Petra Laiti uskou, ku mielenozuttajien viesti piäzi perile halličusnevvottelijoile.
‒ Tahton duumaija, ku piättäjien pohjimaine tahto on luadie hyviä. Saamelazien dielot ollah oldu pinnal enne kaikkie mennyt halličusperiodal. Piättäjil on sit tarveh olla hyvin informiiruitut dielos da uskon, ku tämä jiäy mieleh da interesuiččou, Laiti sanou.

 
Laitin mugah moni Soslouviitaloih  menos olluzis nevvottelijois azetui kuundelemah, moni otti ezittehen da erähät annettih tugie saamelazile nuorile. Manifestatsii meni rauhazah luaduh.

 
”Ylen jygei takku saamelazile nuorile”

 
Moni saamelaine vastustau Jiämeren raudutien srojimistu ezimerkise sikse ku raudutie vahingoittas pedroin hoidamistu. Laiti nägöy dielon sežo sugupolvikyzymyksenny.

 
‒ Minun oma sugupolvi da meidy nuorembat ollah net, kudamat nähtäh mahtollizen raudutieprojektan vahingovaikutukset. Meijän sugupolvele pidäy piättiä maksaugo jatkua perindehellizii eloikeinoloi. Se on ylen jygei takku saamelazile nuorile. Meil on oigevus suaja parembua.

 
Kiistanalaine Jiämeren raudutie hyppäi tuaste julgizeh paginah kaksi nedälii tagaperin biznesmiehen Peter Vesterbackan ruvettuu johtamah projektua norviegielazien initsiatiivas.
Soslouviitaloil on järjestetty äijy manifestatsiedu halličusnevvotteleloin aigah.
Lähteh: Yle.fi
Fotokuva: Jarmo Siivikko / Yle

Vastaa

Sähköpostiosoitettasi ei julkaista. Pakolliset kentät on merkitty *