Brituanies etnizih vähembistölöih kuulujii puaksuh käskietäh vaihtamah oma nimi ”anglielazekse” ‒ da moni vaihtau sendäh, ku varuau

Monen piäzy ezimerkikse ruadopagizutandah on olluh helpombi päivänlaskumualazen ruadonimen periä

Sikhit Englanti
Brituanii on etnizeh eräs monimuodozimis mualois Europas, ga omii oigevuksii ollah puututtu puolistamah ezimerkikse sikhit. Vuvvennu 2019 sikhit ozutettih mieldy vastuvirkehenny sille, ku heidy vuajittih jaksamah omat t’urbanat lendokentäl, hos metalandetektoru ei hälyttäs turvutarkastukses.

 
Brituanies on ezimies käskenyh läs joga kolmattu etnizih vähembistölöih kuulujua ruadajua vaihtamah omassah nimen moizekse, ku se enemäbi kalahtahes anglielazekse, sanelou veres tutkimus.

 
Azienajoyritys Slater  da Gordonan jullattuh kyzelyh vastannuot sanellah, ku tahto toiči on olluh kohtinaine, toiči ebäkohtinaine.

 
Tahtoh lepyi nenga kolmandes. Motiivoikse hyö ollah ilmoitettu ezimerkikse varavon sit, ku heidy kritikuittas libo alendettas libo ku heijän ala kärzis. Vuitin motiivu oli tahto vardoija omat ruadodovarišat pahoittumizes, ku hyö ei malteta sanuo vierasperästy nimie.

 
Slater and Gordon aksentiiruiččou, ku tahto vaihtua nimie on ylen paha i sežo zakonoinvastaine dielo .

 
Nimenvaihto ei ainos ole iguine
28 protsentan mugah päivänlaskumualazen nimen periä heile on annettu ližiä ruaduo. 27 protsentua sanelou, ku heijät on puaksumbah kučuttu ruadopagizutandah.

 
Keskimiärin oman nimen vaihtanuot vastuajat oldih otettu päivänlaskumualazen ruadonimen 19-vuodizinnu. Puolet heis vaihtettih vai edunimen, kolmandes sugunimen da viijendes mollembat.

 
Nenga 40 protsentua käytti ruadonimie yhtelläh vaiku rajoitetun aijan: kuni ruavoneččoprotsessu oli loppenuhes libo ruadopaikan koitehaigu piättynyh.

 
Lähteh: Katariina Töyrylä, yle.fi
Fotokuva: Kerim Okten / EPA

Vastaa

Sähköpostiosoitettasi ei julkaista. Pakolliset kentät on merkitty *