Uutisie vienankarjalakši

Karjal Žurnualu -verkkoleheššä on alettu julkaissa uutta vienankarjalaista uutisartikkelišarjua. Šarjan enšimmäini artikkeli ilmešty 9.4.2019. Še kerto parlamenttivaaliloista Šuomešša. Alukši vienankarjalaiset uutiset ta uutisartikkelit ilmeššytäh kerran netälissä tahi kerran kahešša netälissä. Artikkelit kiäntäy Irma Aleksejeva. Tulošša on oma artikkelišarja šuvikarjalanki murtehella.  Artikkelien kiäntäjänä toimiu Katerina Paalamo. Karjal Žurnualu on ainut Šuomešša ilmeštyjä, täyšin karjalankielini lehti. Leheššä on ilmeštyn enneinki kirjutukšie šuvi- ta vienankarjalakši. Ka nyt ne ruvetah ilmeštymäh šiännöllisešti.

Uutisartikkelišarjoissa keškitytäh tämän päivän ta tulijan ajan teemoih. Tulošša on tavallisien karjalan kielen pakasijen pakautteluja. Piätarkotukšena on kehittyä karjalan kielen vienan- ta šuvikarjalan murtehien nykyaikaista šanaštuo. Uušien šanojen luomini on keškini oša karjalan kielen elvyttämistä. Karjalan kielen pakasijat voijah testata uušie šanoja. Vain aika näyttäy, mit šanat jiähäh käyttöh.

Vienankarjalaisien uutisien kiäntäjä Irma Aleksejeva on koulutukšeltah filosofijan magisteri.  Aleksejeva on kuullun ta paissunki karjalan kieltä pieneštä šuaten. Lisäkši hiän on oppin vienankarjalua Petroskoin yliopistošša. Aleksejeva on ryhtyn uuteh työh mielihyvin.

 

Irma Aleksejeva
Kuvašša: kiäntäjä Irma Aleksejeva

Teksti: Heini Karjalainen
Kiännöš ta kuva: Irma Aleksejeva

Vastaa

Sähköpostiosoitettasi ei julkaista. Pakolliset kentät on merkitty *