Karjalastu muuzikkua mollembil puolil rajua

Kontiolahtel (Kotiseutukeskus, Vierevänniementie 5) pietäh 10.‒11.5.2019 jo kolmattu kerdua Pajot, kudaman aigua ozutellah kui karjalazet muga i suomelazet muzikantat.

 

kotiseutukeskus-1 Kontiolahti

 
Piätenčän 10.5. soitetah Slainte Karelia da Suistamon sähkö i piäkonsertas suovattan 11.5. ollah ozutteluvuoros Suden aika, Silloiset, acapella-joukkoveh Kaiutin, Huojuva lato sego Santtu Karhu da Talvisovat, kudamat sežo pruaznuijah Karhun 30-vuodehistu taidoilijan alua.

 
Perindehellizeh tabah on festivualil muuzikan ližäkse paginua da luvenduogi. Piätenčän ehtäl sanellah Sari Kaasinen, Anne-Mari Kivimäki, Timoi Munne da Pekka Suutari sit, kui karjalazus on vaikutannuh heih taidoilijoinnu. Suovattan ehtypäiväl kerdou Timoi Munne Santtu Karhus da hänen merkičykses Suomen da Ven’an Karjalas.

 
Festivualih yhtyjät voijah piätenčän ehtäl kävvä sežo karjalazeh diskoh sego suovattan jarmankale, kudamas on kui ostettavua muga i kuunneltavua. Sie ozutellah Mika da Niko Saatsi, Loimolan voima, Teatteri-Traktorin Peter Pan -orkestru, Uuna Kainulaisen da Tiina Hutun Ikiruuhi da Heikki Kuikan i Pertti Mäkkelin Karjalanbrihat.
Muuzifestivualin järjestäy Karelia Folk ry.
Lähteh: Timoi Munne
Fotokuva: pohjoiskarjala.com
Ližätieduo suat: www.pajot.fi

Vastaa

Sähköpostiosoitettasi ei julkaista. Pakolliset kentät on merkitty *