Utsjoven saamelazien suavut syyttehet luvattomas kalastukses on hyllätty

Suvvon mugah kalastuszakon rajoitti liigua konstitutsien turvattuu oigevuttu harjoittua omua kul’tuurua, kudamah kuuluu kalastamine

 

saamelaiset oikeudessa
Kai Utsjoven saamelazien suavut syyttehet zakonattomas kalanpyvvös hyllättih. Suvvon mugah saamelazet harjoitettih konstitutsien turvattuu omua kul’tuurua, kudamah keskizeh kuuluu kalastus Tenojoven sivujogilois Vetsijoves- da Utsjovespäi. Mainitut jovet ollah heijän kodijovet.

 
Suvvon mugah eräs vuozi tagaperin muutetun kalastuszakonan 10.pygälän rajoitukset ollah sežo vastoin Suomie käskijöi ristikanzanoigevussobimuksii, kudamat turvatah saamelazien oigevutta harjoittua kandurahvahannu omua kul’tuurua.

 
Suudo hylgäi syyttehet, konzu kalastuszakon rajoitti saamealazien oigevuttu pyydiä kalua Vetsijovespäi. Syytetyt ei olla suvvon mugah syyllistytty pahanluadivoh, vaiku ollah kalastettu zakonanmugazeh harjoittajen omien suguloin perindehen mugah kalastustu Vetsijovel. Suvvon mugah oli sežo ozutettu tovesteh sit, ku Vetsijoven lohien kudukandutavoittehet täytytäh.

 
Ližäkse suudo hylgäi Vetsijovel kalastannuzien kaikkien nellän hengilön syytehet luvattomas kalan pyyvvös. Valdivuo käskiettih maksamah syytettylöin dielonkačondumenot.

 
Suudo hylgäi sežo syyttehen Utsjovespäi elokuun suojeluaigah verkol kalastanuttu saamelastu miesty vastah.

 
Suvvon mugah Utsjoven lohenkalastusperiodua elokuus lyhendännyh valdivonevvoston azetes rajoitti saamelazien perindehellisty verkokalastustu vastoin konstitutsien 17.pygälän turvattuu oigevuttu harjoittua saamelastu kul’tuurua kudamah kuuluu kalastus. Suvvon mugah Utsjoven lohikannat ei vuajita azeteksen miärättyy suojeluaigua elokuus.
Azetes rikkou suvvon mugah Suomen konstitutsien ližäkse sežo saamelazien oigevuksii turvuajii ristikanzanoigevussobimuksii.
Lähteh: Tapani Leisti / Yle
Fotokuva: Vesa Toppari / Yle

Vastaa

Sähköpostiosoitettasi ei julkaista. Pakolliset kentät on merkitty *