Karjala kieliopeissa -kirju jullatah tämän kuun aigua

karjala kieliopeissa

Päivännouzu-Suomen yliopistol Agora -taloin zualas Ag 100 on 29.3.2019 12.15‒15 aigah pido, kudamas jullatah Konehen fondan finansiiruitun Vertaileva karjalan kielioppi -nimizen suomelas-ven’alazen yhteisruadoprojektan (2015‒2019)tuloksennu roinnuh tutkimus. Sit verdaillah kattajah karjalan eri kielimuodoloin, varzinkarjalan, livvinkarjalan da lyydin iänneh- da muodosistieman piirdehii keskenäh.

 
Verdailun kohtannu on olluh 21 kuvailijua da ohjavollistu iändehopin da muodo-opin kuvavustu 150 vuvven aijal. Vuitti kuvavuksis on julguamattomii käzikirjutuksii, da sendäh tutkimusainehisto on ainavoluaduine. Muga kattajua tutkimustu karjalan eri kielimuodoloin yhtenjyttyzis piirdehis da erolois ei ole aijembah luajittu. Julgavo on käzikirjan jyttyine: karjalan kielen piirdehii kačellah verdailutaulukkoloin avul. Projektu on tuonnuh tutkimustiijon jatkotutkimustu, kudamas kerävynnytty materjualua sežo ezitelläh pivos.

 
Pivon avuau professoru emer. Lea Siilin 12.15‒12.3 aigah, konzu häi sežo ezittelöy julgavon. Professoran Siilinan paginvuoron jälgeh, 12.35‒13.25 aigah sanelou Verdailijan tutkimuksen tuloksis fil.kand. Irina Novak da 13.25‒14.05 aigah on vuoros professoru emer. Martti Penttonen, kudai pagizou Klusterikartois da verdailuohjelmas. 14.05‒14.35 aigah kerdou FM Aleksi Ruuskanen Karjalan murdehien iänikartas i hänen paginan jälgeh 14.35‒14.45 aigah Lea Siilin piättäy pivon sanellen tutkimuksen jatkonägymis.
14.45‒15 aigah on mahto ezittiä kyzymyksii.

 
Karjalan- da suomenkieline pido on välly kaikile niilöile kudamii karjalan kieli interesuiččou.
Ližätieduo voit kyzyö:lea.siilin@uef.fi
Lähteh: Lea Siilin
Fotokuva: opastajat.net -verkosivulpäi

Vastaa

Sähköpostiosoitettasi ei julkaista. Pakolliset kentät on merkitty *