Hyviä muamankielen päiviä!

Rahvahienvälizen muamankielen päivän juuret ollah Päivännouzu-Pakistanan tapahtumis 21.2.1952. Policii da armii ammuttih silloi Dhakan yliopiston opastujii Bengalan kielikiistan aigah. Vuvvennu 1999 Unesco piätti, ku 21.2. on rahvahienväline muamankielen pruazniekkupäivy.

mother language day

Unesco on pannuh tämän vuvven alguperäzien kielien vuvvekse da muamankielen päivän tiemannu tänä vuon on Alguperäzet kielet kehityksen, rauhan da sovun luadijoinnu.

 
Kielen rouli on ylen tärgei. Se merkiččöy äijän kontaktois, opastandas, sotsializes integratsies, no on sežo jogahizen ristikanzan ainavoluaduine identitiettu, kul’tuuralline histourii, perindehet da musto.

 
Huolevuttai dielo yhtelläh on se, ristikanzoin muamankielet hävitäh ylen ruttoh. Suomelas-ugrilazien kielien professoran Riho Grünthalan mugah 10‒15 % paistulois kielis siirdyy uvvele sugupolvele. Tämä merkiččöy sidä, ku suan vuvven aigua muailmas paistuloin kielien miäry langeis alle tuhandeh. Hävittäjiä kielen kannal ollah sežo rahvahallizet valdivot i kandurahvahien eloksentavan häviemine.

 
Audrey Azoulay, Unescon piäjohtai sanelou, ku kandurahvahien miäry on nenga 370 miljonua da heijän paistut kielet muvvostetah suuriman vuitin nenga 7000 muailman elos olijas kieles. Monet kandurahvahat kärzitäh alendamizes da köyhyös. Tämän täh Unesco tahtou nygöi havačuttua kaikkii ristikanzoi ellendämäh alguperäzien kielien arvon da lujendamah kandurahvahien oigevuksii.

 
Lähtehet: Unescon verkosivut da Wikipedii sego Helsingin yliopiston verkosivut
Fotokuva: Unescon verkosivut

Vastaa

Sähköpostiosoitettasi ei julkaista. Pakolliset kentät on merkitty *