Hyviä Vieristiä!

Iisusan valattamine
Sih aigah Izrail’an rahvas oldih Riiman muailmanvallan ual da vuotettih Messiedu, rahvahan Piästäjiä. Äijät kyzeltih: ”Ollougo neče Iivan uskaldettu Messii, Piästäi? ”No Iivan Valattai sanoi:”Minä valatan teidy viel ku ozuttua, työ jätittö riähkät da kiänyittö Jumalan puoleh, no minule jälles tulou toine, kudai on minuu vägevembi. Minä en päi hänen jalgoi jaksamah. Häi valattau teidy Pyhäl Hengel da tulel.” Tämän häi sanoi Iisusah Hristosah näh.

Teofania
Herran valattamine. Ven’alaine obrazu

Sit Iisus tuli Galileispäi Jordanjovele Iivanalluo valatettavakse. Iivan tiezi, Iisusal ei pie kiändymizen valatandua, i sikse häi sanoi: ”Sinägo tulet minulluo? Sinulhäi pidäs valattua minuu!” No Iisus sanoi hänele: ”Älä vastustele. Nenga meil pidäy ruadua, ku luadie Jumalan oigien tahton mugah.” Sit Iivan myöndyi hänen sanoih. Konzu Iisus oli valatettu, häi nouzi kerras viespäi. Juuri sil aigua taivas avavui, i Iivan nägi, kui Jumalan Hengi heityi ku kyyhköi Iisusan piäle. Taivahaspäi kuului iäni: ”Tämä on minun armas Poigu, häneh minä mielyin.”
Matfei 3:11–17

Biblii lapsile
Karjalakse on kiändänyh Zinaida Dubinina

Fotokuva: Ortodoksi.net

Vastaa

Sähköpostiosoitettasi ei julkaista. Pakolliset kentät on merkitty *