Brazilien uuzi prezidentu andoi alguperäzien rahvahien muatalohusministerstvan hantuzih ‒ ottas Amazonan suojelualovehet kaupallizeh käyttöh

Bolsonaron miärävys on suuri voitto muatalohusyrityksile da -edujärjestölöile

(Brasília - DF, 07/11/2018) Presidente da República, Michel Temer durante encontro com Jair Bolsonaro, Presidente da República eleito..Fotos: Alan Santos/PR

Jair Bolsonaro (fotokuvas), kudai ihan nygöi ottihes virgah Brazilies siirdi kerras alguperäzien rahvahien alovehien haldivoičendan muatalohusministerstvale, sanelou Reuters.
Miärävys on voitto muatalohusyrityksile da -edujärjestölöile, kudamil oli kampuanieloi normiiruičuksen peruuttamizen da suojelualovehien kaupallizen käytön puoles. Oigelistolaine Bolsonaro uskaldi niilöile jo oman kampuanien aigua, ku muatalohussektorah plotnoih liittyi muatalohusministerstvu suas piättiä alguperäzien rahvahien dielolois.

 
Alguperäzien rahvahien oigevuksii suojelii Funai-virrasto mureni paloikse piätöksen täh. Heimoalovehien rajois, suojelendas da käytös piättäy tuliel aigua muatalohusministerstvu. Alguperäzien rahvahien muut dielot kuulutah perehien da naizien dielolois sego ristikanzanoigevuksis vastuajale ministerstvale.

Alkuperäiskansojen alueita Brasiliassa
Alguperäzien rahvahien alovehet. Vuvvennu 2008 valpahankoričnevoit oldih käytös da muzavankoričnevoit pluanois.

Alguperäzih rahvahih kuuluu Brazielies nenga 900 000 ristikanzua.

Kriitikat varatah, ku Bolsonaron valdukavvel Amazonal eläjien alguperäzien rahvahien kul’tuurat hävitäh. Suurin vuitti muailman jällel olijois eroitunnuzis heimolois eläy Amazonan trouppizis mečis. 77 rahvastu on jo laskettu, ga kaikkii rahvahii ei välttämättäh ole vie huomattu.

Lähteh: Sara Vainio, HS
Fotokuvat: Wikipedii

Vastaa

Sähköpostiosoitettasi ei julkaista. Pakolliset kentät on merkitty *