Suomen vuoro Europan nevvoston paginanvedäjänny algau

700px-Flag_of_the_Council_of_Europe.svg

Suomi rubieu Europan nevvoston paginanvedäjäkse 21.11.2018. Europan nevvoston piäsekretari Thorbjørn Jagland tuli egläi Suomeh.
Omassah gostindan aigua piäsekretari Thorbjørn Jagland vastavuu ulgoministran Timo Soinin, tazavallan prezidentan Sauli Niinistön sego parluamentan piämiehen Paula Risikon ker.
Suomi aksentiiruiččou omal paginanvedäiperiodal Europan nevvoston perusruaduo ristikanzanoigevuksien da oigevusvaldivon kannattamizes da siändöpohjazen rahvahienvälizen sistieman lujendamizes. Sežo uuvven tehnolougien vaikutukset ristikanzanoigevuksih tuvvah ezih. Helsingis järjestetäh 26–27.2.2019 rahvahienväline konferensii, kudai koskehes luadivoälyy da ristikanzanoigevuksii.
Suomen painokesket paginanvedäiperiodale ollah:
1) europpalazen ristikanzanoigevus- da oigevusvaldivosistieman lujendamine,
2) taza-arvo da naizien oigevukset,
3) glasnosti da ozanotto sego nuoret da radikalisoitumizen eständy.
Suomi algau omassah paginanvedäiperiodan ihan sit, ku järjestöl on ies suurii da vaigieloi poliittizii sego talovehellizii ruadoloi. Aijankohtazii poliittizii piäkyzymyksii ollah muun keskes kyzymyz Ven’an yhtymisoigevuksis da maksamattomis jäzenmaksois.

 

Piäsektretarin Jaglandan gostindan aigua paistah sežo Europan nevvoston uvvistamisprotsesas, kudai ajoittuu Suomen paginanvedäiperiodale. Järjestöle rodieu 70 vuottu oraskuus 2019, da tämä nägyy paginvedäiperiodan aigua.
Suomen paginanvedäivuoro lopeh oraskuus 2019.
Lähteh: Ulgoazieloinministerstvan tiijoitus
Fotokuva: Wikipedii

Vastaa

Sähköpostiosoitettasi ei julkaista. Pakolliset kentät on merkitty *