Uuzi autobussumaršruttu avavumas

Tulii autobussumaršruttu kepjendäy matkuandua Petroskoilpäi Piiterih da EL-mualoih.

uusi linja-autoreitti Petroskoi
Europpalazen yrityksen järjestetty uuzi autobussumaršruttu Petroskoilpäi Piiterih avatah 22.kylmykuudu. Autobussu lähtöy joga päiviä kohti Piiterii 21:55 aigah da järilleh Petroskoile 23:00 aigah.
Karjalan matkailuhallindon mugah karjalazil on sit hyvä mahto piästä ezimerkikse eriluaduzih kul’tuuru- da sportutapahtumih Piiterih. Mugavan aigulistan täh siästyy denguagi, konzu matkustajil ei pie yöbyö enne piäzyy perile. Piiteris hyö voijah, ku tahtotanneh, jatkua matkua Helsingih libo Tallinnah i muijalegi Europpah sendäh ku autobussu on Piiteris jo 5:30
Uuzi maršuttu hyövyttäy sežo toizih Ven’an linnoih tahtojii matkustajii. Aijoi Piiterih tulluot ehtitäh hyvin Viiburih libo Novgorodah lähtijäh autobusah i Pihkovan ruttojunah.
Kulletusyrityksen pluanois on vie ližätä autobussuvuoroloi uvvele maršrutale. Matkailukavven aigah autobusat lähtietäh Petroskoilpäi Piiterih sežo 11:30 aigah. Piiterispäi Petroskoile matkustajat piästäh 7:15 lähtijäl autobusal.
Lähteh: Margarita Pehkonen, Karjalan Sanomat
Fotokuva: Karjalan Sanomat

Vastaa

Sähköpostiosoitettasi ei julkaista. Pakolliset kentät on merkitty *