Tiijoituksii

karjalan kielen paiva1

 

Karjalan kielen päiviä vietetäh tuaste 27.11. Kieldy voibi pruaznuija järjestämäl pivon yhtistykses libo kerhos. Kodipaikkukunnal sežo voibi järjestiä pivon libo konsertan päivän kunnivokse da kirjutua päiväs lehteh.
Tahtonet työndiä tervehtyksen Karjalan kielen päivänny, meijän seuran verkolaukas löydyy e-karti täh tarkoitukseh näh. Sie on ližäkse pdf -versiet kartis da plakuatas. Sivuloil sanellah dielos enämbän sit ku pruazniekkupäivy on lähäl.

 
KKS on piättänyh painattua ližiä Maria Kähärin kirjua Milan perehen päivy sego Mikko Kuisminan da Maria Kähärin kirjua Niina Nieglikon sygyzy. Net piästäh ilmah kylmykuun algupuolel.

 
Uuzii runokirjoigi on tulemas. Lauri Luukkozen runokeräilemy Kormanih unohtunnuh suvaičus ‒ Taskuun unohtunut rakaus jullatah lähinedälilöin aigua da arhijepiskoppu Leon Kun usva häviää ‒ Konzu sumu hälvenöy piäzöy ilmah nedälil 47. Kirjan hindu on 30€ da sidä voit tilata jo edukädeh.

 
Karjalan Kielen Seuran halličus on piättänyh perustua uvven julgavosarjan Suomen karjalankielisten kirjoituksia. Tämä forumu on kaikkih kauneh- libo tiedokirjalližuttu kirjuttajih näh. Kai kolme murrehtu ollah pädijät i tervehtulluot, ga kirjutuksil pidäy olla ennejulguamattomat.

 
Sarjan algau Aaro Mensozen luajitut tiedokirjat Sanondoi da Sananpolvii da sanoi. Menzonen on kerännyh sanondat da sananpolvet Karjalan eri alovehilpäi sego kiändänyh net suomekse vällymuodozeh.
Kirjoi voit tilata seuran Jovensuun toimistos tel.+358 44 500 2215 libo kirsti.karhinen@karjal.fi

Vastaa

Sähköpostiosoitettasi ei julkaista. Pakolliset kentät on merkitty *