Karjalas vuotetah uuttu junayhtevytty

Ven’an raudutiet da Karjalan halličus planiiruijah uuttu junayhtevytty Piiterispäi Sordavalah. Lykystynnöy tämä pluanu, uuzi yhtevys avatah oraskuus 2019. Junan lähtöpäivygi tietäh jo, ga maršruttu ei vie ole selgei. Uuvves yhtevykses vuotetah yhtelläh jo kaikenluadustu hyviä.

uusi junareitti
Junayhtevys Piiterin da Sordavalan välile tahtottih avata jo kuuzi vuottu tagaperin, ga silloi pluanu ei todevunnuh. Nygöi dielos on nevvoteltu uvvessah. Karjalan matkailuhallindon johtajan Denis Maksimovan mugah maršruttua tahtotah levendiä muga, ku junan kyydis piäzis Viiburis Piiterih da Sordavalan kauti Matkuselgäh.

 

Matkusellän lähäl olijan Ruskealan mruamoruparkan ruadajatgi näit ku toivotah junamatkailijoi. Mruamoruparkan johtajan Aleksandr Artemjevan mugah pluanois on hommata matkalijoile kyydi vahnal junal Matkaselläs Ruskealah ilmai ližämaksuo.
Uuzi junamaršruttu avvuttau kehittämäh matkailuinfrastruktuurua Luadogan Karjalas. Karjalan piämies Artur Parfenčikov toivou, ku se tuou ližiä matkailijua Karjalah enne kaikkie Suomespäi. Petroskoilazen matkailutoimiston johtai Jelena Bagajeva on samua mieldy. Häi duumaiččou, ku Leningradan alovehel rajas poikki tulijoin matkailijoin mieles uuzi junamaršruttu voibi olla mieldykiinnittävy.
Sordavalan da Piiterin eläjät sežo vuotetah uuttu maršruttua. Se boikondau i kebjendäy heijän matkoi Piiterih da Jovensuuh.
Lähteh: Margarita Pehkonen, Karjalan Sanomat
Fotokuva: Karjalan Sanomat

Vastaa

Sähköpostiosoitettasi ei julkaista. Pakolliset kentät on merkitty *