Vepsäläzien Kodima -lehtele roih 25-vuottu

Kodima, Ven’an eri čuril eläjien vepsäläzien yhtehine lehti perustettih vuvvennu 1993. Se kannattau kirjukielen kehittymisty, ga on sil toizenluaduziigi ruadoloi.

Kodiman lukijoita
Lehten nuorembii lugijoi

Vepsän kielen tutkii Nina Zaiceva kerdou, ku Kodima on luadinuh kirjukielele hyviä. Toimittajil on nygöi helpo sanella eriluaduzis dielolois, konzu heil on tarbehekse sanoi. Piätoimittai Irina Sotnikova tottu sanou, ku toiči pidäy yhtelläh keksie se-tämä uuzi sana.
Toimittajat ečitäh vepsäläzile tärgiet uudizet internetas, ga kieleh maltajat lugijatgi yhtytäh lehten luajindah. Hyö työnnetäh tekstoi ezimerkikse Suomes- i daže Kipraspäi. Leningradangi alovehelpäi sežo kirjutetah rahvas vepsän kielel. Hyö sanellah pidolois, kudamii alovehil hommatah.
Kaheksan sivun piduhizes Kodimas on kaksi sivuu sežo ven’ankse, paiči sidä kerdua, ku lehteh on kerävynnyh ylen äijy vepsänkielisty uudistu da muudu kirjutustu. Sit on vaiku yksi ven’ankieline sivu. Lehten toimittai Galina Baburova sanou, ku nämmä sivut ollah tärkät niilöile lugijoile, kudamat ei malteta vepsän kieleh, ga tahtotah lugie vepsäläzien kul’tuuras i kielesgi. Yhtel tiedy sivut avvutetah toimittajii levittämäh tieduo mollembis.
Lehtie käytetäh Petroskoin valdivonyliopistosgi. Vepsän kielen opastajan Maria Košelovan mugah Kodima on opastusmaterjualu, konzu luvendol käzitelläh ammattiloi da matkailuu. Opastujat lugietah tekstoi da sanellah niilöis toine toizele. Hyö sežo innokkahah kirjutetah kerdomuksii Kodimah.
Lähteh: Margarita Pehkonen, Karjalan Sanomat
Fotokuva: Karjalan Sanomat

Vastaa

Sähköpostiosoitettasi ei julkaista. Pakolliset kentät on merkitty *