Rahvahanperindehien kätkyös mahto kielikursih

Rahvahan intressu karjalan kieleh kazvau Veskelykses. Kieleh opastumas on kaksikymmen kursilastu. Kursin on hommannuh rahvahallisjärjestö Oma tulehmo

Kielikurssilaisia Veskelyksessä
Veskelykseläzet kursilazet karjalan kieleh opastumas

Veskelyksen rahvahallisjärjestö todevuttau tänä vuon sotsialistu projektua Rahvahanperindehien kätkyt. Projektu algi 1.heinykuudu 2018 da lopeh 30.kezäkuudu 2019. Karjalan kielen kursi järjestetäh tämän projektan hantuzis. Kursin ližäkse järjestetäh vie seiččie muudugi tapahtumua, ezimerkikse lapsien etnokul’tuurine kezäluageri.

 

Oma tulehmo -järjestön perustai Irina Pogrebovskaja sanelou, ku nenga nelli vuottu tagaperin kursi järjestettih yhtes suomelazienke. Sen jälgeh rahvas tahtottih jatkua opastumistu, ga eloikeskukses ei olluh mahtuo järjestiä uuttu kielikursii.

 
Nygöi alganuh kielikursi on aiguzih näh, ga Pogrebovskajan mugah školaniekatgi suajah yhtyö kursih, ku tahtotanneh, hos hyö opastutahgi kieleh školas.

 
Kursilazien kielenmalto on eriluaduine. Vahnat maltetah paista, ga lugemine ei ozavu da keski-igäzet lugietah, no ei paista karjalakse putilleh. Hengikohtallizien ruadoloin vuoh hyö opastutah kui lugemah muga i kirjuttamah da pagizemah, sanou Irina Pogrebovskaja.
Lähteh: Ilona Veikkolainen, Karjalan Sanomat
Fotokuva: Karjalan Sanomat

Vastaa

Sähköpostiosoitettasi ei julkaista. Pakolliset kentät on merkitty *