Kallivopiirustukset Unescon luvetteloh?

Karjalan kallivopiirustuksii tahtotah pannaUnescon muailmanperindöluvetteloh. Matkal piämiäräh on yhtelläh probliemua.

Kalliopiirustuksia Belomorskissa
Zalavrugan kallivopiirustuksii

Karjalan tazavallan tiedokeskus oppiu suaha Zalavrugan da Oniegan alovehien kallivopiirustukset Unescon muailmanperindöluvetteloh. Tiedokeskuksen vahnembi tutkii, arheolougu Nadežda Lobanova on jo hätken tutkinuh kallivopiirustuksii da luadinuh niilöis dokumentukanzikon Unescoh näh. Kanzikon perustehel Unesco piättäy ližätähgo Karjalan kallivopiirustukset luvetteloh.

 
Luvetteloh piäzemine on ylen vaigei ruado, ku Kižin suari on jo sie. Toine vaigevus on omistamine. Zalavrugan kallivopiirustukset omistau nygöi Belomorskan piiri da piirin muzei käyttäy piirustuksii omassah ruandas. Oniegan piirustuksien tilandeh on paha, konzu Puudosan muzeil ei ole mahtuo kullettua ristikanzoi kaččomah piirustuksii, da Unesco vuadiu, ku muailmanperindöluvetteloh tahtottu muinazen taijon paikku on kuuluzu kui kodimuas muga i muijalgi muailmas.

 
Nadežda Lobonovan mugah Tatarstanan tazavallal on luvettelos kaksi paikkua. Se tiettäväine on harvinaine dielo, ga ei mahtotoi.

-Karjalan tazavaldugi voibi suaja Kižin suaren ližäkse toizen paikan, ga sih tarvitah kannatustu tazavallan halličuksel, ližiäy Lobonova.
Lähteh: Jelena Maloduševa, Karjalan Sanomat
Fotokuva: Igor Georgijevski

Vastaa

Sähköpostiosoitettasi ei julkaista. Pakolliset kentät on merkitty *