L’udmila Mehedin Suarnastu lapsih näh -suarnukirju, Zinaida Dubininan Runoloi karjalakse da Aleksandr Kräkkijevan Ogahakas taival ollah piästy ilmah

Suarnastu lapsih näh

 

 

 

 

 

 

Karjalan Kielen Seura on tuottanuh kolme uuttu julgavuo, kudamat luajittih yhteisruavos suomen- da ven’ankarjalazet. Ruado todevutettih ozannu karjalan kielen da kul’tuuran elvytysohjelmua 2018.
Suarnastu -kirjan on kirjutannuh alun perin ven’akse L’udmila Mehed. Kuvitusen kirjah on luadinuh Kira Karenina, karjalakse sen kiändi Natalia Giloeva da verstaičuksen on luadinuh Armi Jaloniemi.
Suarnastu lapsih näh, 10s, KKS 2018, ISBN 978-952-5790-75-7, hindu on 10€

Runoloi karjalakse
Runoloi karjalakse -tevoksen runot on kiändänyh da redaktiiruičendan luadinuh Zinaida Dubinina. Verstaičus da resunkat ollah Armi Jaloniemen luajitut. Runoloi karjalakse, 37s, KKS 2018, ISBN 978-952-5790-76-4, hindu on 20€

Ogahakas taival
Aleksandr Kräkkijevan Ogahakas taival on enzimäine muahmuuttaikarjalazen kaunehkirjallinen tevos, kudaman KKS on jullannuh. Anuslaine Kräkkijevan pereh puutui hirvieh kärzimäh Stalinan aijan ahtistelulois, kudamat suundavuttih sežo karjalazih. Sit huolimattah Aleksandr puolisti rohkieh omua kieldy da omua kul’tuurua. Mustelmat da runot tevokses ollah ylen mieldykiinnittäjät da Kräkkijevan käytetty kieli on  rikastu i čomua. Resunkat da verstaičuksen kirjah on luadinuh Armi Jaloniemi. Ogahakas taival, 143s, KKS 2018, ISBN 978-952-5780-72-6, hindu on 30€
Tevoksii voit tilata seuran Jovensuun toimistos soittamal 040 500 2215 libo työndämäl sähköpoštua: kirsti.karhinen@karjal.fi.
Pertti Lampi

Vastaa

Sähköpostiosoitettasi ei julkaista. Pakolliset kentät on merkitty *