God of War

God of War (2018)
SIE Santa Monica Studio, Sony Interactive Entertainment
Pleiččikka: 2018
K18-vagavo

Kižasarjan tehniellizeh kaheksas kiža, hos sitä nimitetäh ”God of War 4:kse” libo ”God of War PS4:kse.” Kižua pietäh vägevästi vuvven 2018 videjokižannu.

Kižas kižatah tuaste vihamielizel da uruanluaduzel spartalazel puolijumalal – Kratoksel Zeuksenpoijal, Herkulesan vellipuolel, a täs kižas Kratos on vahnannuh da gretsielazen libo olympolazen panthionan tuhon jälgeh matkannuh Skandinuavieh ta opastunnuh haldivoičemah kovua suuttumustu. A nygöi Kratosan poijal Atreusal  uravukses on roinnuh ongelmua.

Kižan starin lähtöy sit, ku Atreusan muamon – Laufeyn ruho poltetah tuhkakse da Atreus talluau kui ”The 13th Warrior” – film’as. Laufeyn viimeine tahto oli što hänen omat tuhkat vietäh kaikkien muailmoin korgevimale mäile. Da sit kerras matkan allus tundematoi ukko tulou kodiuksele da hyökkiäy. Matkan aigua Kratos da Atreus vastavutah skandinuavien panthionan olendoloin da ezimerkikse Jörmungandr – muailmanmavon, Freyan da hänen poijan Balduran, Thorinpoigien Magnan da Modanke, da kižan piätagakaru on iče Odin, hos häi ei täs kižas tiatroiče. Myöhembäh Kratosan ekpedetsieh tulou kerale myös Mimir, ken ruadau skandinuavien mifolougien tiedoniekannu, hos häi ongi vai piä.

Screenshot - 4_5 007

Minä iče suvaičen tädä God of War kižua, konzu se ei ole yhtenmoizeh täyzi verdy da vihua kui aijembat kižat. Kizas on sežo enämbi čomannägösty algutalven luonduo, da Alfheim oli ylen komei paikku.

Toni T. Timonen

ezividejoloi
https://www.youtube.com/watch?v=gOE2BVRCUkM
https://www.youtube.com/watch?v=K0u_kAWLJOA

Vastaa

Sähköpostiosoitettasi ei julkaista. Pakolliset kentät on merkitty *