Eule nikedä tostu

joutsen 1

Eule nikedä tostu

Kaikin oldih sie (minä sežo),
kaikin kerävytty yhteh –
paiči sinuu.

Oli sie syödäviä, oli juodavua.
Minul oli nälgy;
yhtelläh en äijiä syönnyh.
Minuu ei juotattanuh;
yhtelläh join mondu stokanua viinii
da kaikkie muudu midä oli taričukses.

Kaiken aigua maltoin priznaija ičele:

Minun mieles tuaste tuhat eri dieluo,
ga ei ni yhty selgiedy duumua.

Minun kielen piäl tuaste valmehennu
sada näbiedy sanua, ga vouse ei
tolkun paginua.

Minun lähäl yksi, kaksi, kai kolme
čomua
da muhizijua
da hyväsydämellisty naistu –
niken heis ei olluh sinä,

sinä, kudai ainos olet muijal.

Lauri Luukkonen

Fotokuva: Pixabay

Vastaa

Sähköpostiosoitettasi ei julkaista. Pakolliset kentät on merkitty *