Vienan Karjala 1918‒1922 Studia Generalia

Capture_sivistysseura-200x191Karjalan Sivistysseura järjestäy vuvvennu 2018 Studia generalia -luvendosarjan, kudaman tiemannu on Vienan Karjala vuozinnu 1918‒1922. Piämiäränny on vähäzel levendiä perindehellisty heimosodapohodoih keskistynnytty nägökandua da liittiä Päivännouzu-Karjalan tapahtumii enzimäzen muailmanvoinan loppukavven muailmanpoliittizien tapahtumien, Ven’an vallankumovuksien da sen vastusreaktsieloin sego Suomen iččenästymizen da rahvahienkeskeizen sovan yhtevykseh.
Keviäl 2018 järjestetäh kaksi luvenduo. Sygyzyn luvendoloin aijat tarkendutah myöhembäh. Luvendot pietäh Karjalan Sivistysseuran toimistos adresis Luotsikatu 9 D. Olgua hyvät da jiäviättökseh pidoloih: toimisto@karjalansivistysseura.fi. Ližätieduo andau seuran varapaginanvedäi Pekka Vaara pekka-vaara@hotmail.com
8.5.18.00 aigah luvendoiččou Petroskoin valdivonyliopiston dotsentu Ilya Solomeshch. Luvendon aiheh on ”Kapina, kansannousu, lahtareiden sotaseikkailu. Kansalaissodan 1918‒1922 kuvan muodostuminen Neuvosto-Karjalassa”.
Ezitelmäs kačellah Ven’an Karjalan rahvahienkeskeizen sovan kuvavuksen muvvostumizen kavvet Nevvosto-Karjalas, sen eri sellityksien da nimitändöin ominazuot sego enne kaikkie Suomen krasnogvardeitsoin ozua Nevvosto-Karjalan histourienkirjutuksen alguvaihies. Kuibo rodih ms. alalline kerdomus rahvahienvälizes sovas? Kui äijän syväin- da ulgopoliittizet dielot miäriteltih sidä, kuibo rahvahienvälizes voinas paistih Karjalas 1920‒1930 -luguloil?
Ilya Solomeshch on luadinuh omassah väitöskirjan aihehes ”Policy of Tzarism in the Finnish Question During World War I (1914‒1917)”. Häi on tutkinuh levieh mk. Suomen kyzymysty Ven’an poliitiekas enzimäzen muailmanvoinan vuozinnu, Karjalan histouriedu da stuatussua Ven’an da Nevvostoliiton ozannu sego pohjazen Ven’an histouriedu. Mieldykiinnittäjii mollembin puolin rajua eläjien karjalazien kannal ollah Solomeshchan tutkimukset Ven’an da Suomen välilöis sego sit, kui histourienkirjutukses on eri aigoinnu sellitetty Karjalan tapahtumii da stuatussua.
Solomeshch ruadau nygöi Petroskoin yliopiston Pohjazien mualoin histourien opastusohjelman vastushengilönny. Häi on äijy kerdua olluh Suomes luvendoimas Suomen da Ven’an yhtehizes histouries sego Suomen kuvas ven’alazes histourienkirjutukses, mk. Karjalan histourien nägökulmas.
29.5.18.00 aigah luvendon pidäy FD Matti Lackman. Ližiä tieduo myöhembäh.
M.A.Castrénan seuran tiijoitus

Fotokuva: Karjalaine verkokirjasto

Vastaa

Sähköpostiosoitettasi ei julkaista. Pakolliset kentät on merkitty *