”Minun sydämes kukkiu Karjal”

Eila,Elin,Hannu

Suovattan 26.5.2018 15:00 aigah pietäh Helsingin Myllypuros pyhittäi Aleksanteri Syväriläzen mustole blahoslovitus časounas konsertu, kudamas kuultah arhijepiskopan Leon, kirjuttajan Eeva Kilven da pajonluadijan Aili Runnen runoloi da pajoloi. Niilöi ozutetah muzikantat Eila Pöllänen (gituaru da pajo), Elin Pöllänen (skripku) da Hannu Musakka (pajo). Keral on sežo karjalankielizii meloudieloi, kui ezimerkikse Eeva Kilven sepitetty da Eila Pölläsen säveldetty Minä suvaičen sinuu kui Karjalua i Tahton kirjuttua runoloi, kudaman on sepitännyh arhijepiskoppu Leo da säveldännyh Eila Pöllänen.

Aili Runnen sepitettylöis da säveldettylöis meloudielois ozutetah ezimerkikse Erakkomaja i Anna auringon paistaa saarelle Valamon. Ližäkse kuultah Hannu Musakan runo Isäni Karjala, kudamah muuzikan on luadinuh Santeri Latvala.

Ohjelman hindu on 10 euruo

Konsertan jälgeh on taričukses čuajuu.

Lähteh da fotokuvat: Eila Pöllänen

Vastaa

Sähköpostiosoitettasi ei julkaista. Pakolliset kentät on merkitty *