Linduzet-joukko ozuttelou Huomenta Suomi -ohjelmas

LinduzetValtimolaine lapsien muuzikkujoukko Linduzet (fotokuvas) ajau kevätekskursiele Helsingih da ozuttelou yhteltiedy MTV3:n huondestelevidenies 22.oraskuudu nenga 8:00 aigah. Linduzet on ainavo karjalankieline lapsien muuzikkukerho kogo Suomes. Horanjohtajannu ruadau Raija Kokkola.
‒- Työnnimmö Rekluamuteleivideniele kirjazen, kudamas sanelimmo meis da meijän tahtos tulla tunnustumah televiizorstuudieh. Onnuako kirjutimmo sežo, ku ozuttelugi tozi azies olis ihan mugažu dielo. Da hyöhäi lepyttih da sanottih, ku olemmo tervehtulluot ohjelmah, Raija Kokkola nagrau.
Linduzil on olluh jo äijy gastrolimatkua da heil on piässyh ilmah Ängyrä vängyrä -disku, kudaman mugah sanotun meloudien Linduzet ozutellahes ohjelmas.
‒ Ozutahes, ku lapset ollah tahtottuloi pajattamah eri pidolois, ga minul pidäy vähendiä ozutteluoi. 14 Lindustu vahnembien da ohjuajienke on vägi suuri joukko, kudaman kulletus gastrolimatkale ei ole kebjei. Meil pidäy ruadua lapsien hyväkse. Lapsis vahnimat ollah jo 11-vuodizet, ga nuorimil on igiä vaste kolme vuottu, Kokkola mainiččou.
Kui horanjohtai muga i ohjuajatgi da vanhembat varatah työndyö ga lapset ollah ylen innostunnuot kommentiiruimah da pajattamah.
‒ En aijoittelei ozutella ilmai. Vähimite viizi euruo pidäy suaja palkivokse ozuttelus, Rasmus Siira, 10 vuottu, tovestau.
Ulla Korkatsu, Karjalainen

Yksi kommentu “Linduzet-joukko ozuttelou Huomenta Suomi -ohjelmas

  1. Mie en livviksi kirjuta. En koko ellennä tuota teijän kirjutusta. Olen sen ice Karjalaiseen kirjuttan suomeksi. Joten tuon tekstin alla ei saa miun nimie olla. Ken lienöö kiännelly da viännelly, eule tuo miun karjalua. Mie pagisen da kirjutan varsinaiskarjaksi. Ei näin ei hyvät ihmiset.

Vastaa

Sähköpostiosoitettasi ei julkaista. Pakolliset kentät on merkitty *