Kaksi uuttu tevostu luovutetun Karjalan nimistös

Kodimualazien kielien keskusviipuri_punaisenlahteentori julguau omil verkosivuloil kaksi tevostu, kudamat käzitelläh Karjalan paikannimii.
Mindäh Kivennaval on moine nimi? Äijygo igiä on nimel Viiburi? Mittustu voulostii on kučuttu Lopotikse da mikse? Vastavus muun keskes nämmih kyzymyksih löytäh FD Laila Lehikoisen da FD Saulo Kepsun uuzis tevoksis.
Laila Lehikoinen sellittäy omassah tevokses Antreasta Äyräpäähän ‒ Luovutetun Karjalan pitäjien nimet, midä nimistöntutkimukses on sellennyh nimien alguperäs, da sanelou, mittumii rahvahankerdomuksii nimilöih liittyy. Tevokses sanellah lyhyöh sežo voulostiloin histouries sego ezitetäh nimilöin vahnois dokumentois olijat kirjutandutavat. Voulostiloin virrallizien nimilöin ližäkse käzitelläh sežo niilöin ebävirrallizii da vahnoi nimilöi. Tevokses on 54 kirjutustu, kudamat koskietahes nimilöi.
Saulo Kepsun Kannaksen kylät syvenöy Karjalankannakse nimilöih. Tavoitehennu on olluh sellittiä nimilöin alguperä, käyttöalovehen suurus da igä. Tutkimustuloksien da muun tagaperätiijon perustehel Kepsu luadiu piätelmii alovehen eloipaikkuhistouries. Kunne sijoittui vahnin eloipaikku da kuibo vahnu se on? Tutkimuksen kohtannu ollah voulostiloin, pogostoin, hieruoloin da hyllättylöin kylien nimet sego moizet paikannimet, kudamih voibi peittyö eloipaikkunimi. Kaikkiedah nimie on piäle 2000.
Mollembat tevokset perustutah vahnah dokumentunimistöh. Ku tevoksis kačeltavien voulostiloin da kylien olopaikat olis helpombi miärittiä, on kirjutuksien yhtevykseh ližätty linkit Karjalan kartat -sivuston kartoih.
M.A.Castrénan seuran tiijoitus
Fotokuva: M.A.Castrénan seuran tiijoitus / Lappeenrannan muziet

Vastaa

Sähköpostiosoitettasi ei julkaista. Pakolliset kentät on merkitty *