Seiččemes puolovehes kuuzi tavoittelou Grönlandien iččenästymisty ‒ valdivo kuulus Europan köyhimih

Vaalimainoksia Nuukissa 2018

Daanieh kuulujas Grönlandies on järjestetty alovehparluamentan valličukset. Grönlandien seiččemes puolovehes kuuzi tavoittelou alovehele täytty iččenäzytty. Yksimielizytty ei sen sijah ole sit, konzu iččenäzyshankeh pidäs todevuttua da kuibo luadie se muga, ku Grönlandien talohus ei kuadus.
Mielienčottaičemizien mugah vihandan huraliston Inuit Ataqatigiit -puoloveh (IA) voittau valličuksen, kudamas on tarittavannu 31 parluamentupaikkua. Puoloveh voittas nenga ollen socialidemokruattizen Siumut-puolovehen, kudai on haldivoinnuh poliitiekkua vuozikymmenii.
Grönlandiel on levei ičehallindo: Daanii piättäy vaiku puolistamizes da ulgopoliitiekas. Konstitucien mugah Grönlandiel on oigevus piättiä omas iččenäzyös. Grönlandien b’udžietas 60 prosentua on daanielastu tugidengua, da iččenästymizen jälgeh valdivo kuulus Europan köyhimih.
Erimielizytty luonnonvaroin käyttämizes
Vallas kilbailijat piäpuolovehet ollah erimielizet suaren luonnonvaroin käyttämizes da uranan kaivamizes. IA:l on lujua kannatustu linnan nuorien aiguzien keskes, da puoloveh vastustau urankaivoksii.
Piälinnas Nuukas eläi sekretari Heidi Moller Isaksen, 51, kieldävyi sanomas sidä, kelle andoi oman iänen valličukses. Iččenästymine jo hätken on olluh hänel tiähtäimes.
‒ Tahton, ku erähäššy piän iččenästymmö, ka meil pidäy olla realistizinny. Parem eistyö edehpäi pienin askelin, häi sanoi.
Lähte: Yrjö Kokkonen / STT – AFP
Fotokuva: Yle / Christian Klindt Soelbeck

Vastaa

Sähköpostiosoitettasi ei julkaista. Pakolliset kentät on merkitty *