Vihapagin oppiu vaikastuttua saamelazet ‒ ” Tovendau, ku ruaduo on vie äijy ruattavannu”

vihaSaamilazih suundavuu alalleh vihapaginua, da sendäh rahvahan dielolois ei moni ruohti paista ilmizin.
Pirita Näkkäläjärvi on luadinuh gradu-tutkimuksen brituanielazes London School of Economics –yliopistos. Gradus käzitelläh saamelazien sananvällytty Suomes. Näkkäläjärven mugah saamilazii opitah vaikastuttua, heidy väheksitäh da alistetah da heis libo heijän omis vuadimuksis levitetäh viäriä tieduo. Ližäkse saamelazien omua yhteiskundua on murendettu vuozisadoin aijan.
‒ Vihapaginan täh yhtenverdaine oigevus yhtyö piätöksenluajindah puuttuu riskah, Näkkäläjärvi sanou.
‒ Varattavua on, ku ristikanzat vaikastutanneh varaittamizen libo painamizen täh. Täs roih kehä, kudamas meidy ei pie kuunnellä, konzu emmo yhty paginah.
Näkkäläjärvigi on suannuh tiijustua vihapaginua. Ylehizen radivon saaminkielizen toimituksen libo Yle Sápmin piälikönny mustendamine meni voimile. Nygöi Näkkäläjärvi ruadau eri ruadoloi da nägöy, ku voibi puolistuo parembah yksittäzenny pagizijannu migu Ylen edustajannu.
Sežo oigevusministerstvu tovesti vuvven 2016 omassah sellitykses, ku vihapagin vaikastuttau saamelazii.
Iänekkähimät pannah aktivistoikse
Agressiivistu paginua on enimyölleh internetas. Suomen saamilazien nuorien paginanvedäi Petra Laiti on dogadinnuh, ku saamelazih suundavui vihapagin on ominazuksien mugah eriluaduzembi migu ezimerkikse muahmuuttajih kohtavui pagin.
‒ Sit ei ole tundemattomuon varavuo.
Suomelazien čökkimine saamilazii kohtah on mostu huijuttomua, ku pagizii ei välttämättäh ehki huoli perustella omii paginoi.
Näkkäläjärvi on huomannuh, ku saamelazil vuajitah samanaigazeh kui yksimielizytty muga i moni-iänizytty. Ku rahvas ei oldane yksimielizet, mainitah keskinäzes riidelys.
Toizielpäi enne kaikkie alovehellizel tazol paistah yksimielizyös pättäviä ritouriekkua käyttäjen. Iänekkähimät pagizijat pannah aktivistoikse.
‒ Se on vägevy hengentoravehkeh.
”Tämä ei vaikuta minun ruandah”
Saamilazien nuorien paginanvedäi Laiti vastavuu provokatsienke kui omas blogis muga Twitteras. Se suundavuu kui häneh hengilönny muga i saamelazih rahvahannu. Laitin ruandah pagin ei vaikuta.
‒ Tämä ei rodei minun ruadoloin täh. Vihapagin tovestau, ku ruattavannu on vie äijy ruaduo.
Probliman ydimes voibi olla se, ku suomelazet ei ellendetä saamilazii erillizekse rahvahakse, vaiku ozakse suomelazii.
Tiedämättömys saamelazien dielolois on kogo rahvahan ongelmu, Laiti sanou. Sikse opastuksel pidäy levitä poliitikois lapsih sah. Näkkäläjärvi toivou ližäkse, ku zakonah löydys enämbi keinuo segavuo vihapaginah.
STT / Karjalainen
Fotokuva: Yle

Vastaa

Sähköpostiosoitettasi ei julkaista. Pakolliset kentät on merkitty *