Muanruadai jätti syömizet nedälikse ‒ kampuanii valliiskoinkielizien radivo- da tv-työndölöin ruadovallan puoles

Kansalliskokouksen rakennus CardiffissaNuori muanruadai Elfed Wyn Jones Trawsfynyddaspäi on ruvennuh nälgyzabastouhkah valliiskoinkielizen työndölöin ruadovallan muuttamizen puoles. Zabastouhku algi 20.2. da jatkuu tulien nedälin tossargessah.
Uudine sit tuli samah aigah, kui obejktivnoi raportu S4C:s sanottih julgi. Raportu koskihes muun keskes sidä, pidäsgo vastus S4C:s siirdiä Westminstral Rahvahalliskerähmöle. SC4 on valliiskoinkieline radivo- da tv-azemu.
Tuhandet ristikanzat ollah kannatettu ruadovallan muutandua Londonas Cardiffah da allekirjutettu kiändämys, kudai eziteltih Brituanien halličuksele tilandehen kačelman aigah. Raportan tuloksien myöhästymine tarkoittau sidä, ku työndölöin toimittai ei tiijä rahoituksen suurustu sulakuun jälgeh.
Vuvvennu 2013 the Silk Commission piätti, ku S4C:n rahoitandu pidäs siirdiä Westminstral Valliiskoin halličuksele. Yli 50 ristikanzua on kieldävynnyh maksamas omissah telelubii, konzu tahtotah tugie työndölöin ruadovallan siirdämisty Rahvahalliskerähmöle.
Elfed Wyn Jones sellitti omassah piätösty:
”Minul on luja usko demokruatieh, da olen ylen huolevunnuh vajavukses muan poliitiekas. Myö yhtes muannu emmo piäze kohti meijän piämiäriä ilmai iänii, kudamat kritikuijah meijän halličustu, ga kudamat sežo sellitetäh meile kuibo sistiemu ruadau, mainiten midäbo on meil on, ezimerkikse muatalovus, tervehys, opastandu , da midä ei ole, kui zakonan mugaine sistiemu. Myö emmo näi valliiskoilastu perspektiivua meijän uudizis da meijän tv-azemoil. Tarvitah muutos, sistiemal pidäy suaja valliiskoinkieline iäni. Nenga myö voimme lujendua meijän demokruatiedu. Meil pidäy suaja haldivoija meijän omii työndölöi”
Häi sanoi vie, ku vaigei on olla ilmai syömizii, ga paremban demokruatien da selgiembän tiijoitandan täh häi tahtou tirpuo kuni ruado on ruattu.
Mennyt vuvvennu luajitun mielien čotaičendan tuloksien mugah 65 % valliiskoilastu ristikanzua tahtottih siirdiä työndölöin ruadovaldu Assemblyh da vaiku 35 % tahtoi, ku poliitikat Westminstras säilytettäs tämä ruadovaldu
Lähte: Colin Nosworthy
Fotokuva: Wikipedii, Rahvahalliskerähmön rakendus Cardiffas
https://www.mirror.co.uk/news/politics/farmer-goes-hunger-strike-campaign-12026194
https://www.dailypost.co.uk/news/north-wales-news/student-go-without-food-week-14291791
https://www.walesonline.co.uk/news/wales-news/young-farmer-goes-hunger-strike-14292447
https://golwg360.cymru/newyddion/cymru/512827-myfyriwr-ymprydio-tros-gael-pwerau-darlledu-gymru
https://www.instagram.com/p/BfNmN7XFSf0/

Vastaa

Sähköpostiosoitettasi ei julkaista. Pakolliset kentät on merkitty *