Tazavallan prezidentan valličukset 2018

Täs kuus pietäh Suomes prezidentan valličukset. Valličuspäivy on pyhäpäivu 28.1.2018, ga ennepäigi voibi andua iänen. Ennepäi-iänestys Suomes tapahtuu 17.‒23.1.2018 da ulgomual 17.‒20.1.2018. Pidänöy järjestiä toizet valličukset, valličuspäivy silloi on pyhänpiän 11.2.2018. Ennepäi-iänestys toizis valličuksis tapahtuu Suomes 31.1.‒6.2.2018 da ulgomual 31.1.‒3.2.2018.

vallicendu2

Iänen suau andua Suomen kanzalaine, kudamale on täydynyh 18 vuottu 28.1.2018 sah. Jogahine iänivaldaine suau kodih kaksi ilmoituskartii sendäh, ku pidänöy järjestiä toizet valličukses, Kartilois sanellah iänestyspaikas da ennepäi-iänestyspaikois i sit, konzubo iänestyspaikat ollah avvoi. Iänestykseh pidäy ottua kerale hengilölližystovestys, ezimerkikse pasportu, hengilökarti libo ajokarti.

 
Nistii libo äijäl läžii voibi iänestiä ennepäi kois. Kodi-iänestykseh näh suau ližiä tieduo oman kunnan keskusvalličuskomissies. Komissien telefonan noumeru löydyy ilmoituskartis. Voinnet tulla valličuspaikkah, ga tarvinnet abuu iänestyslipun täytändäs, valličuspaikal on valličusabuniekku täh ruadoh näh. Händy voibi kyzyö abuh iänestyskoppih. Abuniekannu voibi ruadua sežo iänivaldazen ičevallittu ristikanzu, ezimerkikse omahine libo lähäine. Abuniekku ei yhtelläh voi olla ehtoitettu libo ehtoitetun lähäine. Valličusabuniekal on vaikkaniolosana, da ei ni iänenandajal pie sanella nikelle kedä häi on iänestännyh.
Lähte: vaalit.fi (karjalakse kiännetty)
Ližätieduo iänenandamizes da valličukses: http://oikeusministerio.fi/etusivu

Vastaa

Sähköpostiosoitettasi ei julkaista. Pakolliset kentät on merkitty *