Muutoksii karjalankielizih uudizih

Yle_Uudizet_karjalakse

Yle Päivännouzu-Suomen piälikkö Johanna Raatikainen sanelou omassah sähköpoštas muutoksis, kudamat kuulutah karjalankielizis uudizis. Net alletah kui ennegi piätenčän , ga työndöaigu on 12.1. algajen 9.55 da uudizet vaiku kahten minuutan piduhizet. Raatikaisen mugah uuzi työndöaigu parembi sobiu nygözeh työndövirdah da piduhus vastuau alovehellizii uudizien työndämizii. ”Konzu työndö on vaiku kerran nedälis, pagizemmo karjalankielizes uudizienkerävös. Terminän täh aihehien valličendas voijah tarbehen mugah irdavuo päivänkohtazuos da panna paino dieloloih, kudamat ollah karjalankielizile tärgiet. Voimmo ottua kerale Ylen valdukunnallizii da lähialovehien uudizii omien alovehuudizien ližäkse”, Johanna Raatikainen ližiäy.

Verkos palvelu jatkuu kui muga ennegi. Karjalankielizet uudizet lövvytäh nygöi sežo älytelefonah täytettäjäs uudizien vahtis, konzu palvelun täyttäi suau lugie karjalankielizet dielot ilmoituksienke omas telefonas.

Lähte: Johanna Raatikainen

Vastaa

Sähköpostiosoitettasi ei julkaista. Pakolliset kentät on merkitty *