Puigdemont: Valličustulos on rapsahutus Rajoyn šokkah

C.PuigdemontKolme iččenäzytty ajajua puolevehtu suadih enimistö Katalonien alovehvalličukses. JuntsxCat, ERC da CUP suadih 70 paikkua parluamentas, kuduas on 135 edustajua.
Syrjäh jätetty alovehjohtai Carles Puigdemont sanoi, ku valličuksen tulos on rapsahutus piäministru Mariano Rajoyn šokkah.
‒ Rajoy on menetännyh manduatan, kudamua häi tabaili, Puigdemont sanoi Brusselis. Puigdemont pidäy separatistoin valličusvoittuo kiistattomannu.
‒ Katalonien tazavaldu on voittanuh, Puigdemont sanoi julgi.
Iččenäzysmielizien puolovehien johtajat vuajittih piäministru Rajoydu kerras pidämäh soviettua 155 artiklan käytön loppimizes. Sen perustehel piäministru Rajoy miäräi, ku Ispaniel pidäy kyskiekseh Katalonien ičehallindoh da miäräi vaste vai pietyn valličuksen.
Puolovehis eniten iänii sai keskustu-oigelistolaine Ciudadanos. Se sai 37 paikkua. Puoloveh kannattau Ispanien ozannu pyzymisty. 83 protsentua kataluanois iänioigevuksenke andoi iänen.
Lähte: Yle.fi, Minna Uusi-Eskola
Fotokuva: Yle.fi / EPA-EFE / Stephanie Lecocq

Vastaa

Sähköpostiosoitettasi ei julkaista. Pakolliset kentät on merkitty *