Ljudmila Markianova on suannuh olemisluvan

Kaikkiedah nelli vuottu, vuvves 2013 algajen vantaalaine Elena Adel, Ljudmila Markianovan tytär, eli varavos da ebävarmuos, konzu muamo ei suannuh olemislubua, ga sit Muahmuuttovirrastospäi tuli hyvä uudine.

 

LjudmilaMarkianova4Elena Adel oli eččinyh olemislubua ainos uvvessah i žualuičihes kieldopiätökses hallindosuudoh, kudai ei ottanuh dieluo kačottavakse. Markianovas duumaittih, ku häi hyvin tulou toimeh yksinäh Petroskoil, hos ei enämbiä malta paista. Petroskoil ei yhtelläh ole Markianovan omahizii, ei ni hoitolaitostu mustovoimattomih näh. Suomi ei yhtelläh puaksuh anna olemislubua aiguzen lapsen vahnembale.
Tilandeh oli toivotoi, ga Adel ei menetännyh toivuo. Häi ečči olemislubua uvvesah, ga täl kerdua eri perustehel. Olemislubua voibi eččie sežo ”muule omahizele”, kudai on kogonah rippui  Suomes eläjäs omahizes.
Kylmykuun viimezenny kolmadenpäivänny tuli Muahmuuttovirrastospäi ilmoitus olemisluvas. Se on ylen tärgei da kebjendäi dielo Elena Adelale, ga tärgiembi azii on se, ku Markianovan murdunuh jalgu on parannuh da kävelemine jo menöy hil’lakkazin.
Elena Adel kerdou, ku sotsialivirraston ruadai oli yhtevykses Muahmuuttovirrastoh Markianovan bolničas olemizen aigah, da se toinah avvutti olemisluvan suamistu. Luvan tulduu Markianova sai hengilötunnuksen i virallizen eländypaikan. ”Nygöi ku muamal on hengilötunnus, on helpombi kävvä hänen dieloloi spruavimah. Häi ei enämbi ole nobody”.
Ljudmila Markianova eläy nygöi hoidokois Vantaan Simonkyläs.
”Se on lyhytaigaine hoidoysikkö, da pagizen sit sotsialivirguniekkoinke, kunnebo muaman vois sijoittua”, Elena Adel sanou.
Lähte: Päivi Huotari, HS

Vastaa

Sähköpostiosoitettasi ei julkaista. Pakolliset kentät on merkitty *